Búgin Almaty men Nur-Sultan qalalary arasynda taǵy tórt qosymsha komersıalyq poıyz iske qosylady
Búgin elordanyń Nur-Sultan-1 stansasynan № 204/203 poıyzy Almatyǵa saǵat 18.55-te jóneltiledi, dep habarlaıdy Almaty-akshamy.kz «Jolaýshylar tasymaly» AQ-nyń baspasóz qyzmetine silteme jasap.
Poıyz Almatyǵa erteń (11 qańtar) saǵat 16.31-de keledi. Sondaı-aq, búgin Nur-Sultan-1 stansasynan Almaty-2 stansasyna deıin №220/219 poıyzy saǵat 19.40-ta jóneltiledi.
Poıyz Almatyǵa erteń (11 qańtar) saǵat 18.25-te keledi. Búgin Almatydan elordaǵa qaraı eki komersıalyq poıyz jolǵa shyǵady.
«Almaty-2 – Nur-Sultan Nurly jol» baǵytyndaǵy №207/208 poıyzy (Talgo) Almaty-2 stansasynan 19 saǵat 20 mınýtta jolǵa shyǵady.
«Almaty-2 – Nur-Sultan-1» baǵytyndaǵy №205/206 poıyzy 22 saǵat 25 mınýtta jóneltiledi. Poıyz elordaǵa erteń 19 saǵat 13 mınýtta keledi.
Dál osy poıyz Almatyǵa 11 qańtarda 23 saǵat 43 mınýtta jóneltiledi. "Jolaýshylar tasymaly" kompanıasynyń málimdeýinshe, elimizde poıyzdardyń qozǵalysy qalpyna keltirilgen. Barlyq jolaýshylar poıyzdary keste boıynsha júredi.