Búgingi tańda bilim berýdi damytýdyń basym baǵyttarynyń biri ýnıversıtet pen mektep arasynda tyǵyz baılanys ornatý jumysyn júzege asyrý bolyp tabylady. Osy maqsatta Naýryzbaı aýdany №176 mektep-gımnazıa men Qazaq ulttyq qyzdar pedagogıkalyq ýnıversıteti arasynda eki jaqty memorandýmǵa qol qoıylǵan bolatyn. Memorandým boıynsha mektep pen ýnıversıtet arasynda tyǵyz baılanys ornatý, mektepte beıindik pánderdi uıymdastyrý jáne júrgizý boıynsha ádistemelik kómek kórsetý, yntymaqtastyq sheńberinde birlesken konferensıa, semınarlar ótkizýde mektepke qoldaý kórsetý jáne pedagogıkalyq praktıkany ótkizý bazasyn qalyptastyrý sekildi birneshe jumystardy júzege asyrýdy kózdeıdi.
2024 jyldyń 22 aqpanynda Qazaq ulttyq qyzdar pedagogıkalyq ýnıversıtetimen birlesken «LESSON STUDY – SABAQTY ZERTTEÝ KOLLABORASIASY» taqyrybynda dıalog alańy ótkizildi. Maqsaty – is-árekettegi zertteýdiń erekeshe úlgisi bolyp tabylatyn pedagogıkalyq tásil – Lesson Study zertteý sabaǵyn júrgizýdegi múmkindikterdi talqylaý.
Májilistiń ashylýynda №176 mektep gımnazıa dırektory Dýısenbekova Nýrjamal Esırkepovna sóz alyp, semınar jumysyna sáttilik tiledi.
Dıalog alańynda mekteptegi pedagogıkalyq praktıkanyń júrgizilý barysy týraly aqparat dırektordyń oqý isi jónindegi orynbasary A.K. Tólegenov tarapynan berilip, aldaǵy múmkindikteri týraly aıtty.
Dıalog alańynyń moderatory Qazaq ulttyq qyzdar pedagogıkalyq ýnıversıteti Akademıalyq baǵdarlamalardy ázirleý jáne sapany qamtamasyz etý departamentiniń dırektory Aıda Bakytbekovna «Lesson study: pedagogıkalyq tájirıbeńizdi zertteý úshin ony qalaı paıdalana alamyz?» taqyrybynda baıandama jasap, qundy aqparattarmen bólisti. Lesson Study sabaqty zertteýdiń álemdik tájirıbelerimen bólisip, múmkindikteri týraly aqparat berdi.
Dıalog alańynyń kelesi bóliminde praktıkant-stýdentterdiń zertteý jumysy aıasyndaǵy 5 jobasy tanystyrylyp, talqylandy. Dıalog alańynda ýnıversıtet tarapynan p.ǵ.k., qaýym. profesor R.A. Nabýova, aǵa oqytýshy J.A. Alıeva, qaýym. profesor, ǵylym kandıdaty E.M. Imanova jáne mekteptegi praktıka jetekshileri men Naýryzbaı aýdanynyń jas mamandary qatysty.
Refleksıa bóliminde Lesson study ádisin pedagogıkalyq tájirıbege engizýdegi qundy pikirler №176 mektep-gımnazıanyń qazaq tili men ádebıeti páni muǵalimi, «Y. Altynsarın» tósbelgisiniń ıegeri, tájirıbeli ustaz Kýlpeısova Gýlzaıra Nesıpbekovna men bastaýysh synyp muǵalimi, tájirıbeli ustaz Salımkanova Gýlnar Kadırmanovna tarapynan aıtylyp, pedagogıkalyq praktıkanyń joǵary deńgeıde ótkizilip jatqany týraly rızashylyqtaryn jetkizdi.