Aǵa oqytýshy keminde 230 myń, al profesorlar 350 myń teńge alatyn bolady.
Qazaqstandyq profesorlar men ýnıversıtet oqytýshylarynyń aılyǵy ósti, dep habarlaıdy Almaty-akhamy.kz.
Bilim jáne ǵylym mınıstrliginiń málimeti boıynsha, endi ýnıversıtet oqytýshylary aıyna keminde 200 myń teńge alatyn bolady. Aǵa oqytýshy keminde 230 myń teńge, qaýymdastyrylǵan profesor 260 myń teńge, profesor 350 myń teńge (ulttyq joǵary oqý oryndarynda 400 myń teńge) alady.
«Memleket basshysynyń qoldaýynyń arqasynda Mınıstrlik joǵary oqý oryndarynyń shtattyq qyzmetkerlerine mınımaldyq jalaqy belgileý týraly buıryq qabyldady. QR BǴM-ne baǵynyshty joǵary oqý oryndary oqytýshylarynyń jalaqysy artty. Sondaı-aq bir stavkanyń maksımaldy kólemi endi bir oqý jylynda 680 saǵattan aspaıdy. Iaǵnı, oqý júktemesi tómendetiledi. Ózgeris profesorlyq-oqytýshylyq quramnyń ǵylymı qyzmetpen aınalysýy úshin múmkindik pen ýaqyttyń kóbirek bolýyn kózdeıdi», – dep atap ótti Bilim jáne ǵylym vıse-mınıstri Qýanysh Erǵalıev.
Esterińizge sala keteıik, buǵan deıin Ulttyq qoǵamdyq senim keńesiniń otyrysynda Memleket basshysy joǵary oqý oryndary oqytýshylarynyń jalaqysyn kóterýdi tapsyrǵan bolatyn. 2019 jylǵy qyrkúıekte BǴM-ne vedimistik baǵynyshty JOO profesorlyq-oqytýshylar quramynyń eńbekaqysy 20%-ǵa, 2020 jylǵy qyrkúıekte taǵy da 20%-ǵa ulǵaıtyldy. Jalaqyny edáýir arttyrý barysynda onyń mınımaldyq mólsheri jáne pedagogıkalyq júktemeniń maksımaldy kólemi belgilendi.