Jigitter quramasy 5 myń metrlik estafetada 7:12.409 nátıjemen máre syzyǵyn ekinshi bolyp qıdy.
AQSH-tyń Leık-Plesıd qalasynda ótip jatqan Qysqy Ýnıversıadada short-trekten Qazaqstan quramasy kúmis medaldi jeńip aldy, dep habarlaıdy Almaty-akshamy.kz
Qazaqstan quramasynyń bas bapkeri Nurbergen Jumaǵazıevtiń málim etkenindeı, jigitter quramasy 5 myń metrlik estafetada 7:12.409 nátıjemen máre syzyǵyn ekinshi bolyp qıdy.
Ońtústik Koreıa quramasy (7:10.689) jeńimpaz atansa, nıderlandylyq stýdentter (7:12.450) qola júldeni qanaǵat tutty.
Qazaqstan quramasy sapynda Ádil Ǵalıahmetov, Erkebulan Shamuhanov, Valerıı Klımenko jáne Sanjar Janısov óner kórsetti.
Bul – short-trekten Qazaqstan quramasynyń Ýnıversıadadaǵy ekinshi kúmis júldesi.