Úndistanda qutyrǵan pilder birneshe adamdy óltirdi

Avtor Almaty-akshamy.kz.
11:04, 29 naýryz 2023

Sýret: ashyq derekkóz

Úndistannyń Batys Bengalıa shtatynyń Djargram aýdanyndaǵy birneshe aýylynda jabaıy pilder jurtshylyqtyń úreıin qashyrdy. Jabaıy tirshilik ıeleri úsh kún boıy shabýyldap, tórt adamdy mert qylǵan, dep habarlaıdy Almaty-akshamy.kz Tengritravel.kz-ke silteme jasap,

Basylym málimetinshe, qurban bolǵandardyń birinshisi Sankraıl kvartalynyń Djıtý Hembram esimdi azamat bolǵan. Er adam pilderdiń shabýylynan aýrýhanada qaıtys boldy. Kelesi kúni Naıagram kvartalynda pil Damaıantı Mahato esimdi 24 jastaǵy qyzǵa shabýyl jasaǵan. Alǵan jaraqatynan ol da qaıtys boldy.

Jabaıy janýarlardyń kelesi qurbany 25 jastaǵy Sýdjıt Mahato boldy. Oqıǵa Djargram aýdanynyń turǵyn aýdandarynyń birinde bolǵan. Jergilikti turǵyn keshke jumystan velosıpedpen úıine qaıtqan. Kenetten onyń artynda pil paıda boldy, sosyn ol tumsyǵymen er adamdy kóterip, jerge atyp urǵan. Jergilikti turǵyndar jigittiń aıǵaıyn estigen bette kómekke júgirgen, alaıda jas jigit oqıǵa ornynda qaıtys bolǵan. Úndi BAQ-tarynyń málimetinshe, orman sharýashylyǵy departamentiniń ókilderi qaıtys bolǵan adamnyń otbasyna ótemaqy tóleýge ýáde berdi.

Sol kúni keshki ýaqytta egde jastaǵy áıeldiń qaıtys bolǵany belgili boldy. 65 jastaǵy Namıta Mahato yzalanǵan pilder oǵan shabýyl jasaǵan kezde úıiniń kireberisinde turǵan. Ol da oqıǵa ornynda qaıtys boldy. Osy jantúrshigerlik oqıǵanyń kýágeri bolǵan kórshisi eshteńe isteı almaǵanyn aıtady.

India Times málimetinshe, 28 naýryzdaǵy aqparat boıynsha pilderdiń shabýylynan qaza tapqandar sany 9 adamǵa jetken.

Osyǵan uqsas birqatar ólim oqıǵalary jergilikti turǵyndar arasynda dúrbeleń týǵyzdy, olar quqyq qorǵaý organdary men orman sharýashylyǵy departamentiniń sheneýnikteriniń áreketsizdigine narazylyqtaryn bildire bastady.