Elge kirý úshin PTR synaqtary qajet emes.
22 qarashadan bastap Úndistan bıligi sheteldikterdiń kirýine qoıylatyn talaptardyń basym bóligin alyp tastady, dep habarlaıdy Almaty-akshamy.kz inbusiness.kz cilteme jasap.
Jergilikti BAQ-tyń jazýynsha, vaksınalaý endi halyqaralyq kelýshilerge mindettelmeıdi.
"COVID-19 traektorıasynyń turaqty quldyraýy álemde jáne Úndistanda COVID-19 vaksınasıasyn qamtýdaǵy eleýli jetistikterge baılanysty. Densaýlyq saqtaý jáne otbasylyq ál-aýqat mınıstrligi Halyqaralyq kelýshilerge arnalǵan nusqaýlyqtyń qaıta qaralǵan nusqasyn shyǵardy", - delingen habarlamada.
Sonymen qatar sheteldikterge endi Air Suvidha portalynda vaksınalaý týraly deklarasıany toltyrý, sondaı-aq elge kirý úshin PTR synaqtary qajet emes.
Ótken aptada bılik Úndistanda ishki jáne halyqaralyq reısterde maska taǵý mindetin alyp tastady. Endi saıahatshylar betperde taqpaǵany úshin aıyppul tólemeıdi.