Kesh barysynda álemdik tanymal klasıkalyq týyndylar men otandyq tanymal kompozıtorlardyń úzdik shyǵarmalary oryndaldy.
Qurmanǵazy orkestriniń ǵımaratynda QR Mádenıet qaıratkeri, Qurmanǵazy atyndaǵy Qazaq ulttyq halyq aspaptar orkestriniń dırıjeri Jeksen Aısynnyń «Umytylmas áýender» atty konserti ótti, dep habarlaıdy Almaty-akshamy.kz
Konsertte Qazaqstannyń Halyq artısi Roza Rymbaeva, Qazaqstannyń Eńbek sińirgen qaıratkeri, opera ánshisi Gúlzat Dáýirbaeva, Abaı atyndaǵy memlekettik opera jáne balet teatrynyń solısi, opera ánshisi Damır Sadýahasov, Halyqaralyq jáne respýblıkalyq baıqaýlardyń laýreaty Aıdos Jabaǵın óner kórsetti. Sondaı-aq, keshte shetel jáne qazaq kompozıtorlarynyń týyndylary Jeksen Aısynnyń orkestrge laıyqtap túsirýimen alǵash ret oryndaldy.
Jeksen Aısyn – Qazaq mýzykasynyń tarıhyndaǵy eń alǵashqy óner ordasy Ulttyq orkestrdiń shyǵarmashylyq damýy úshin aıanbaı eńbek etip júrgen dırıjer. Orkestrdiń mańdaıyna bitken jaryq juldyzy 1995 jyldan beri Qurmanǵazy atyndaǵy Qazaq ulttyq halyq aspaptar orkestrinde qyzmet atqarýda. 2004 jyly QR Mádenıet qaıratkeri ataǵyn aldy.
Klasıkalyq mýzyka – eshqashan mánin jáne tyńdarmanyn joǵaltpaıtyn birden-bir óner salasy.