Bir apta buryn jasóspirimder osyndaı oıyn oılap taýypty dep jazǵanbyz.
Olaı jazýymyzǵa áleýmettik jelide taraǵan habarlama sebep boldy.
Almaty-akshamy.kz tilshisi İİM baspasóz qyzmetine suraý salý arqyly oqıǵanyń Qostanaıda bolǵanyn anyqtady.
Qostanaı oblystyq PD áleýmettik jelide beınejazbamen qosa jarıalanǵan aqparat shyndyqqa janaspaıtynyn habarlady.
Qostanaı oblysynyń PD baspasóz qyzmeti bul júrgizýshiniń baǵdarshamnyń tyıym salý sıgnalyna ótip ketkenin aıǵaqtaıtyn vıdeo dep usyndy. Al vıdeonyń qaıdan alynǵany týraly aqparatty tergeý júrip jatqandyqtan aıtpady.
«Jol-kólik oqıǵasy 8 qazanda Rýdnyı qalasynda oryn alǵan. «Deo Neksıa» markaly avtokóliktiń júrgizýshisi baǵdarshamnyń tyıym salý sıgnalyna ótip, kámeletke tolmaǵan balany qaǵyp ketken. Osy fakt boıynsha polısıa QR QK 345-babynyń 1-bóligi boıynsha «Jol qozǵalysy erejelerin buzý» boıynsha sotqa deıingi tergep-tekserýdi bastady. Qostanaı oblysynyń PD ata-analardy balalardy jol jaǵdaıyn baǵdarlaı bilýge úıretýge jáne balanyń saq bolý qajettiligin tárbıeleýge shaqyrady», dedi Qostanaı oblysynyń PD baspasóz hatshysy Karına Bazarbaeva.