QR Parlamenti Senatynyń depýtattaryn saılaýǵa qatysty máseleler boıynsha Almaty qalasynyń aýmaqtyq saılaý komısıasynyń otyrysy ótti.
Otyrys barysynda QR Parlamenti Senatynyń depýtattyǵyna kandıdattardyń olarǵa qoıylatyn Qazaqstan Respýblıkasynyń Konstıtýsıasymen jáne «Qazaqstan Respýblıkasyndaǵy saılaý týraly» 1995 jylǵy 28 qyrkúıektegi Qazaqstan Respýblıkasynyń Konstıtýsıalyq zańymen qoıylatyn talaptarǵa sáıkestigi anyqtaldy.
Jıyn nátıjesinde Almaty qalasynyń aýmaqtyq saılaý komısıasy kelesideı málimdeme jasady:
«Almaty qalasy polısıa departamentiniń kóshi-qon qyzmeti basqarmasynan jáne Qazaqstan Respýblıkasy Bas prokýratýrasynyń quqyqtyq statısıka jáne arnaıy esepke alý jónindegi komıtetiniń anyqtamalary negizinde, kandıdattardyń Qazaqstan Respýblıkasynyń Konstıtýsıasy jáne "Qazaqstan Respýblıkasyndaǵy saılaý týraly" zańymen qoıylatyn talaptarǵa sáıkestigin anyqtaý úshin, Qazaqstan Respýblıkasy Parlamenti Senatynyń depýtattyǵyna usynylǵan kandıdattardyń qujattaryn qarastyra otyryp, Almaty qalasy aýmaqtyq saılaý komısıasy mynany anyqtady.
Qazaqstan Respýblıkasy Parlamenti Senatynyń depýtattyǵyna kandıdat:
- Janıazova Jarqyn Lepesqyzy Qazaqstan Respýblıkasy Konstıtýsıasynyń 33-baby 2 jáne 3-tarmaqtarynda, 51-baby 4-tarmaǵynda jáne «Qazaqstan Respýblıkasyndaǵy saılaý týraly» Qazaqstan Respýblıkasynyń 1995 jylǵy 28 qyrkúıektegi Konstıtýsıalyq zańynyń 4 jáne 70-baptarynda belgilengen talaptarǵa sáıkes.
- Iláshev Álnur Qaıratuly Qazaqstan Respýblıkasy Konstıtýsıasynyń 33-baby 2 jáne 3-tarmaqtarynda, 51-baby 4-tarmaǵynda jáne «Qazaqstan Respýblıkasyndaǵy saılaý týraly» Qazaqstan Respýblıkasynyń 1995 jylǵy 28 qyrkúıektegi Konstıtýsıalyq zańynyń 4 jáne 70-baptarynda belgilengen talaptarǵa sáıkes emes».
Aıta ketken jón, tıisti hattamalarǵa Almaty qalasynyń aýmaqtyq saılaý komısıasynyń músheleri qol qoıdy.