Qatarda ótip jatqan fýtboldan 2022 jylǵy álem chempıonaty toptyq kezeńinen keıin birqatar statısıkalyq derekter anyqtaldy, dep habarlaıdy Almaty-akshamy.kz Inform.kz-ke silteme jasap.
Álem chempıonatyna barlyǵy 850-den astam fýtbolshy keldi. Qazirge deıin olardyń arasynan 653-i jasyl alańǵa shyǵyp úlgerdi.
*Fýtbolshylardyń 246-sy óz quramasy sapynda úsh kezdesýge de qatysty. Al, 117-si eshqandaı almaspaı, 270 mınýtty túgeldeı oınady.
*Quramadaǵy áriptesterine golǵa aınalǵan pas shyǵarý jóninen anglıalyq Garrı Keın kósh bastap tur. Ol úsh oıynda úsh márte quramadaǵy áriptesine pas shyǵaryp, ol golǵa aınaldy. Odan keıingi oryndarda portýgalıalyq Brýný Fernashdesh, fransıalyq Teo Fernandes sekildi jeti fýtbolshy eki márte pas berdi. Jalpy, nátıjeli pas bergen 77 fýtbolshy bar.
*Al, gol soǵý jáne pas berý jóninen ıspanıalyq Alvaro Morato men fransıalyq Kılıan Mbappe birinshi orynda keledi. Olar úsh márte gol soǵyp, bir márte nátıjeli pas berdi. Al, portýgalıalyq Brýný Fernandesh qaqpany eki márte dál kózdep, eki márte netıjeli pastyń avtory boldy.
*Toptyq kezeńde ázirge germanıalyq qaqpashy Manýel Noıer men marokkolyq qorǵaýshy Naıf Ager óz qaqpalaryna gol soǵyp aldy.
*Qazirge deıin qarsylastar qaqpasyna 14 penaltı belgilendi. Onyń 5-ein qaqpashylar qaıtaryp úlgerdi. Argentınalyq Leoenl Messı eki márte penaltı oryndap, bireýin soǵa alǵan joq. Condaı-aq, gol soǵa almaǵan fýtbolshylar qatarynda portýgalıalyq Brýný Fernandesh, kanadalyq Alfonso Devıs, ganalyq Andre Aıý, polshalyq Robert Levandovskı, Saýd Arabıasynan Salem Al-Davsarı bar.
*Toptyq kezeńde 154 fýtbolshyǵa qyzyl jáne sary qaǵaz kórsetildi. Olardyń arasynan ýelstik qaqpashy Ýeın Hennessıge dóreki qımylyna baılanysty birden qyzyl qaǵaz berildi.