Tanymal estrada ánshisi Óktem Altaev №26 emhanada ornalasqan saılaý ýchaskesinde daýys berdi, - dep habarlaıdy Almaty-akshamy.kz
«Men almatylyqtardyń qanshalyqty belsendi ekenin kórý úshin daýys berýge tús aýa barýdy sheshken bolatynmyn. Mundaı kezde eshkim úıinde jatpasy anyq. Sonymen, men saılaý ýchaskesindegi saılaýshylardyń belsendiligine tań qaldym. Sonymen qatar, men tirkelgen saılaý ýchaskesinde bári jaqsy uıymdastyrylǵan», – deıdi ónerdiń ókili.
Óktem Altaevtyń aıtýynsha, saılaý ýchaskesine jaqyndaǵannan-aq mýzyka oınalyp turǵan, al bul atmosfera kez kelgen adamǵa qýanysh, joǵary kóńil-kúı syılaıtynyn atap ótti. Sondaı-aq kireberiste kandıdattar týraly barlyq aqparat ornalastyrylǵanyn aıtty. Iaǵnı, bul kimde-kim olardyń saılaýaldy baǵdarlamalarymen tanysýǵa úlgermese, ony dál sol jerden oqyp, bilýine bolady degen sóz.
«Úmitkerler arasynda jastardyń kóptigi qatty qýantty meni. Bul Qazaqstannyń bolashaǵy jarqyn ekendigin anyq kórsetedi. Bul adamdardyń barlyǵy el ıgiligi úshin jumys istegisi keledi dep bilemin. Sonymen qatar, bul tek patrıotızmdi kórsetýge degen umtylys emes, ol qazirdiń ózinde naqty áreketter jasaýǵa degen batyl qadamdar dep oılaımyn. Úmitkerlerdiń kóbi - halyq arasynda júrgen azamattar. Demek, olar eldiń jaǵdaıynan syrttaı emes, ishteı biledi. Bul da bizge úmit, senim syılaıdy», – deıdi ánshi Ó.Altaev.