Elordada jáne úsh óńirde aýa raıyna baılanysty eskertý jarıalandy
Qazaqstannyń 4 óńirinde aýa raıyna baılanysty eskertý jarıalandy, dep habarlaıdy Almaty-akshamy.kz «Qazgıdrometke» silteme jasap.
20 naýryzda Astanada túnde jáne tańerteń tuman túsedi.
Aqmola oblysynyń shyǵysynda túnde jaıaý burqasyn bolady. Túnde jáne tańerteń oblystyń batysy men ońtústiginde tuman túsedi. Soltústik-shyǵystan soǵatyn jel soltústikte ońtústik-batysqa aýysyp, oblystyń shyǵysynda ekpini 15-20 m/s deıin jetedi.
Jambyl oblysynyń taýly aımaqtarynda tuman túsedi. Ońtústik-batys, soltústik-shyǵys, oblystyń taýly aımaqtarynda soltústik-shyǵystan 15-20 m/s jyldamdyqpen jel soǵyp, ekpini 23 m/s deıin jetedi.
Kúndiz Soltústik Qazaqstan oblysynyń soltústiginde ońtústik-batystan soǵatyn jeldiń ekpini 15-20 m/s kútiledi. Petropavlda 20 naýryzda ońtústik-batystan soǵatyn jeldiń ekpini kúndiz 15-20 m/s jetýi yqtımal.