Qazaqstan quramasy jarady!
Qazaqstan - San-Marıno kezdesýi 3-1 esebimen aıaqtaldy,dep habarlaıdy Almaty-akshamy.kz.
El quramasynyń oıynyna qoldaý kórsetýge Memleket basshysy Qasym-Jomart Toqaevtyń ózi keldi.
Memleket basshysymen birge ulttyq quramaǵa qoldaý bildirý úshin dańqty sportshylar, sport ardagerleri men mádenıet qaıratkerleri de keldi.
Olardyń arasynda Qazaqstannyń halyq ártisi Dımash Qudaıbergen, mını-fýtboldan Qazaqstan ulttyq quramasynyń bas bapkeri Paýlý Rıkardý Fıgeıra Sılva (Kaka), fýtbol ardagerleri Mıhaıl Gýrman men Vahıd Masýdov, bapker Dmıtrıı Ogaı, olımpıada chempıondary Olga Rypakova, Dmıtrıı Balandın jáne taǵy basqalary bar.
Elordanyń «Astana Arena» stadıonynda 2024 jylǵy Eýropa chempıonatynyń irikteý kezeńi aıasynda Qazaqstan men San-Marıno quramalary kezdesti. Kezdesýde alǵashqy bop esepti Qazaqstan quramasy ashty.Kezdesýdiń 19-mınýtynda kóp kúttirmeı Qazaqstan quramasynyń jartylaı qorǵaýshysy Islam Chesnokov qarsylastar qaqpasyna dop darytqanyn habarlaǵan bolatynbyz. Birinshi taım 1-0 esebimen aıaqtaldy.
Ekinshi taım bastalysymen, Qazaqstan quramasynyń jartylaı qorǵaýshysy Chesnokov oıynnyń 50-mınýtynda ekinshi goldyń avtory atandy. Esep: 2-0
Degenmen, qarsylastar komandasy da osal emestikterin tanytty. Araǵa on mınýt salyp, kezdesýdiń 60-mınýtynda qaqpa aldyndaǵy qarbalasty san-marınolyqtar sátti paıdalanyp ketti. Esep: 2-1
Ekinshi taım tartysty ári qaýipti sátterge toly boldy. El quramasyna úshinshi goldy syılaǵan Abat Aıymbetov boldy. Shabýylshynyń penaltıden dáldep soqqan soqqysy ony úshinshi goldyń avtory etti. Esep 3-1. Qazaqstan quramasynyń jigitteri osylaısha aıqyn basymdyqpen qarsylastaryn jeńip, el mereıin asyrdy.
Qazaqstan quramasy bıylǵy qarashada tarıhta tuńǵysh ret iri týrnırge qatysý múmkindigi bar. İrikteý kezeńiniń aıaqtalýyna endi bir týr qaldy. Magomed Adıevtiń komandasy Slovenıamen birge toptan tikeleı shyǵýǵa umtylýda.