Astanada ótip jatqan Qazaqstan-San-Marıno machyna QR Prezıdenti Qasym-Jomart Toqaevtyń ózi keldi.
Memleket basshysymen birge ulttyq quramaǵa qoldaý bildirý úshin dańqty sportshylar, sport ardagerleri men mádenıet qaıratkerleri de keldi, dep habarlaıdy Almaty-akshamy.kz.
Olardyń arasynda Qazaqstannyń halyq ártisi Dımash Qudaıbergen, mını-fýtboldan Qazaqstan ulttyq quramasynyń bas bapkeri Paýlý Rıkardý Fıgeıra Sılva (Kaka), fýtbol ardagerleri Mıhaıl Gýrman men Vahıd Masýdov, bapker Dmıtrıı Ogaı, olımpıada chempıondary Olga Rypakova, Dmıtrıı Balandın jáne taǵy basqalary bar.
Elordanyń «Astana Arena» stadıonynda 2024 jylǵy Eýropa chempıonatynyń irikteý kezeńi aıasynda Qazaqstan men San-Marıno quramalary arasynda oıyn ótýde. Dál qazir oıynnyń alǵashqy taımy aıaqtaldy. Kezdesýdiń 19-mınýtynda Qazaqstan quramasynyń jartylaı qorǵaýshysy Islam Chesnokov qarsylastar qaqpasyna dop darytyp, esep ashty.
Esterińizge sala keteıik, buǵan deıin fýtboldan Qazaqstan ulttyq quramasy EURO 2024 aıasynda San-Marıno quramasymen kezdesetinin habarlaǵan edik.