QR Mádenıet jáne sport vıse-mınıstri Nurǵısa Dáýeshov ortalyq komýnıkasıalar qyzmetinde ótken brıfıńide óner salasyndaǵy Umai ulttyq syılyǵynyń sharttaryn tanystyryldy, dep habarlaıdy Almaty-akshamy.kz QazAqparatqa silteme jasap.

Mınıstr orynbasarynyń aıtýynsha, atalǵan syılyq elimizde tuńǵysh ret taǵaıyndalyp otyr.

«Otandyq mádenıet jáne óner qaıratkerleriniń shyǵarmashylyq jetistikterin tanytý, damytý jáne nasıhattaý maqsatymen Qazaqstan Respýblıkasynyń óner salasyndaǵy Umai ulttyq syılyǵy taǵaıyndaldy.

Bul syılyq Qazaqstannyń shyǵarmashylyq ujymdary men jekelegen óner qaıratkerlerine eleýli shyǵarmashylyq tabystary men kásibı jetistikteri úshin«Teatr óneri», «Mýzykalyq oryndaýshylyq óner», «Horeografıalyq óner», «Teatrdaǵy beıneleý óneri» sıaqty 4 nomınasıa boıynsha 19 premıa tabys etiledi», - degen vedomstvo ókili syılyqtyń júlde qoryn da atady.

«Syılyqtyń jalpy júlde qory 54 mln teńgeni quraıdy. Onyń ishinde 2022 jyl Balalar jyly bolǵandyqtan, syılyq aıasynda «Úzdik balalar spektakli» degen arnaıy júlde taǵaıyndalyp otyr.

Syılyq 2022 jyly Qazaqstannyń shyǵarmashylyq ujymdaryna jáne jekelegen Qazaqstannyń óner qaıratkerlerine 2020 jylǵy qyrkúıekten bastap 2022 jylǵy shilde aralyǵyna deıingi eki teatrlyq, konserttik, shyǵarmashylyq maýsymdaǵy spektáklder, konsertter, shyǵarmashylyq jobalar, óner týyndylary úshin tabystalady», - dedi Nurǵısa Dáýeshov.