Álemde Qazaqstan jer kólemi jaǵynan 9-orynda.
Dese de, elde jaıylymdyq jerlerge qatysty másele bar. Bul týraly Memleket basshysy Qaraǵandy jurtshylyǵymen kezdesý barysynda aıtty, dep habarlaıdy Almaty-akshamy.kz Egemen.kz-ke silteme jasap.
Prezıdent tapsyrmasymen aýyl sharýashylyǵy jerlerine ǵaryshtan monıtorıń jasaldy. Nátıjesinde Respýblıka boıynsha ıgerilmeı bos jatqan 20 mıllıonnan astam gektar jaıylym jer anyqtaldy. Ony memleket menshigine qaıtarýmen aınalysatyn arnaıy komısıa jumys istep jatyr. Qazirdiń ózinde 4,2 mıllıon gektardan astam alqap qaıtaryldy. Sonyń ishinde 1,1 mıllıon gektar jer Qaraǵandy oblysyna tıesili.
«Álemde 9-oryn alatyn ulan-ǵaıyr jeri bar Qazaqstanda jaıylym tapshylyǵy degen – esh qısynǵa kelmeıtin nárse. Osy keń-baıtaq jerimizdiń ıgiligin latıfýndıser emes, qarapaıym halyq kórýi kerek. Sondyqtan, endigi másele – qaıtarylǵan jerdi jergilikti sharýalarǵa ádil bólip berý qajet. Sonda ǵana fermerlerdiń óz sharýashylyǵyn adal júrgizýge senimi artady», - dedi Q.Toqaev.