24-25 sáýirde Ulybrıtanıa jáne Soltústik Irlandıa Qurama Koróldiginiń Syrtqy ister, Dostastyq jáne halyqaralyq damý mınıstri Devıd Kemeronnyń Qazaqstan Respýblıkasyna sapary ótedi. Bul týraly Syrtqy ister mınıstrligi habarlady.
Astanada D.Kemeron memleket basshylyǵynyń qabyldaýynda bolyp, Premer-Mınıstrdiń orynbasary – Syrtqy ister mınıstri Murat Nurtileýmen kelissózder ótkizedi, dep habarlaıdy Almaty-akshamy.kz.
Sapar aıasynda saıası, saýda-ekonomıkalyq jáne mádenı-gýmanıtarlyq salalardaǵy ekijaqty yntymaqtastyq máselelerin, sondaı-aq ózekti óńirlik jáne halyqaralyq taqyryptardy talqylaý josparlanyp otyr.
Sapar qorytyndysy boıynsha birqatar ekijaqty qujattarǵa qol qoıylady degen jospar bar.