Ulybrıtanıada Konservatıvti partıa basshysyn saılaýdyń sońǵy kezeńi bastaldy. Búginnen bastap partıanyń eldegi 160 myń múshesine poshta arqyly búleten taratyldy, dep habarlaıdy Almaty-akshamy.kz Egemen.kz-ke silteme jasap.
Olar daýys berý qaǵazyn 2 qyrkúıekke deıin toltyryp, qaıta jiberýi tıis. Konservatıvti partıanyń kóshbasshylyǵyna eki kandıdat úmitker. Olar burynǵy qarjy mınıstri Rıshı Sýnak pen syrtqy ister mınıstri Lız Trass. Daýys berýshilerdiń talap-úddesinen shyǵý úshin qos kandıdat ara-tura tikeleı efırdegi debattarda pikir talastyrady.
Aldyńǵy pikirtalasta Sýnak Trasstan sál ozǵan edi. Alaıda sońǵy saýalnamaǵa súıensek, syrtqy ister mınıstriniń bási basym. Jeńimpaz 5 qyrkúıekte anyqtalady. Bıleýshi partıanyń qaı kandıdaty jeńse, sol birden Ulybrıtanıanyń premer-mınıstri atanatynyn aıta ketken jón.