2023 jyly QR-dan Ulybrıtanıada maýsymdyq qyzmetkerler sany 87,6 paıyzǵa ósip, 5 myń adamǵa jetken, dep habarlaıdy almaty-akshamy.kz.
Al 2021 jyly bul elge tek 400-ge jýyq qazaqstandyq barǵan. Ulybrıtanıada biliktiligi tómen eńbek jáne basqa da salalardaǵy jalaqy Qazaqstanǵa qaraǵanda edáýir joǵary. Mysaly, Ulybrıtanıada qulpynaı terýshi bolyp jumys isteı otyryp, aıyna 737 myńnan 1,3 mıllıon teńgege deıin (kúnine 8-den 12 saǵatqa deıin jumys istegende) aqsha tabýǵa bolady.
Avtokólik zaýytyna elektromonter, jumysshy jáne júrgizýshiniń jalaqysy 2,2 mıllıonnan 2,9 mıllıon teńgege deıin. Al sýpermarket qyzmetkeri aıyna 2,5 mıllıon teńgeden alady. Sonymen qatar, mundaı jumysqa ornalasý shyǵyndary da aıtarlyqtaı bolady.
Rekrýtıngtik agenttiktiń qyzmetteri men Shengen vızasyna jumsalǵan shyǵyndar alty aıǵa shamamen 970 myń teńgeni quraıdy. Buǵan barý aqysy - elge jáne maýsymǵa baılanysty taǵy 200-270 myń teńge.