Anglıa eli egemendigimiz týraly ıgi oılar bildirýde
Ulybrıtanıa Parlamentiniń qaýymdar palatasynyń depýtattary irgesi bekip, nyǵaıǵan, ekonomıkalyq áleýeti arta túsken qazaq eliniń jetistikterine tileýlestik bildirdi, dep habarlaıdy Almaty-akshamy.kz 24.kz-ke silteme jasap
Osy jıyn-toıda táýelsizdik týraly kitap ta kópshilikke tanystyryldy. 1991 jyly Uly dala eli týraly Ulybrıtanıada kóp adam bile bermeıtin.
El egemendigin alǵannan keıin týra bir aı ótken soń eki el arasynda dıplomatıalyq áriptestik ornatyldy.
Búginde Birikken Koróldik - Qazaqstan ekonomıkasynyń iri ınvestorlarynyń biri. 30 jyl ishinde kóptegen sala boıynsha ekijaqty qarym-qatynastar ornatylyp, ózara yntymaqtastyq jańa sapaǵa kóterildi.
«Qazaqstannyń 30 jyl ishinde jetken jetistikteri tań qaldyrady. Aıaǵyna endi tura bastaǵan jyldary Ulybrıtanıanyń ózinde mundaı ilgerileýshilikter boldy dep oılamaımyn. Demokratıacy minsiz memleketke aınalýymyz úshin 800 jyl qajet boldy. 1991 jyly keńes úkimeti ydyrap, Qazaqstan egemendigin alǵannan beri kúrmeýi qıyn máselelerdi sheship keledi. Kembrıdj ýnıversıteti Bilim berý ınovasıalary departamentiniń dırektory profesor Kollın Maklaflın 30 jyl kóleminde elimizdiń bilim júıesiniń damýyna úles qosyp kele jatqan brıtanıalyqtardyń biri. Álemdik pedagogıkada moıyndalǵan ǵalym Nazarbaev zıatkerlik mektebi sıaqty biregeı jobaǵa óziniń qatysy bar ekenin maqtan tutady» , - dedi Ulybrıtanıa Parlamenti qaýymdar palatasynyń depýtaty Bob Stúart.
Sondaı-aq, Kembrıdj ýnıversıtetiniń profesory Kollın Maklaflın, egemendigimiz jaıynda pikirin jetkizdi.
«Nazarbaev zıatkerlik mektebi ózgerip, damyp otyrdy. Men ony ınovasıalyq-eksperımentaldy oqý orny dep te ataımyn. Bilim berý baǵdarlamasy jetildirilip, ony el ishindegi búkil mektepke engizýge tyrysty. Biregeı jumys nátıje berip, onyń paıdasyn búkil halyq kórip otyr dep oılaımyn. İs-shara barysynda «Qazaqstannyń 30 jyly: oıanǵan Uly dala» atty kitap kópshilik nazaryna usynyldy. Ol Táýelsiz Qazaqstannyń túrli kezeńderine arnalǵan esseler jıyntyǵynan turady. Eldiń tarıhy, saıası, ekonomıkalyq jáne bilim salasyndaǵy reformalary, ınvestısıa, syrtqy saıasattaǵy jetistikteri, mádenıet, týrızm – bári qamtylǵan. Jobaǵa bedeldi brıtanıalyq, halyqaralyq jáne qazaqstandyq sarapshylar tartyldy. Kitap 2 myń danamen basyp shyǵaryldy. Sondaı-aq onyń onlaın nusqasy qoljetimdi» , - dedi