Ulybrıtanıada koronavırýs juqtyrǵandar sany bir aptada 32% ósti
Ulybrıtanıada koronavırýsqa shaldyqqandar sany áli de artýy múmkin, dep habarlaıdy Almaty-akshamy.kz QazAqparatqa silteme jasap.
Ulybrıtanıanyń densaýlyq saqtaý qaýipsizdigi agenttiginiń atqarýshy dırektory Djennı Harrıs elde bir aptada koronavırýs juqtyrǵandar sany 32 paıyzǵa óskenin aıtty. Ótken aptada qaýipti ınfeksıaǵa shaldyqqandar sanynyń shamamen 500 myńǵa artýy Omicron-nyń BA.4 jáne BA.5 dep atalatyn eki túriniń jyldam taralýyna baılanysty. 30 maýsymda Anglıada vırýs juqtyryp, aýrýhanada tósek tartqandar sany shamamen 9 myń adam bolǵan. Bul aı basyndaǵy kórsetkishten eki ese kóp.
Jalpy, Anglıada koronavırýs anyqtalǵan turǵyndar sany 1 829 100 adamǵa jetken. Bul halyqtyń 3,35%-yn qurap otyr. Ýelste bul kórsetkish 106 myń boldy, bul halyqtyń 3,49% nemese shamamen 30 adamnyń birin quraıdy. Soltústik Irlandıada test tapsyrǵandardyń ishindegi 71 myń adamnan vırýs anyqtalǵan.