Búgin «Ekaterınbýrg-EKSPO» kórme ortalyǵynda 12-shi INNOPROM kórmesi bastalady.
Qazaqstan Premer-Mınıstri Álıhan Smaıylov bastaǵan qazaqstandyq delegasıa Ekaterınbýrg qalasyna bardy, dep habarlaıdy Almaty-akshamy.kz Úkimet basshysynyń baspasóz qyzmetine silteme jasap.
Onda delegasıa XII «INNOPROM» halyqaralyq ónerkásiptik kórmesine qatysady. Sondaı-aq kórme aıasynda Álıhan Smaıylov RF Úkimetiniń tóraǵasy Mıhaıl Mıshýstınmen kelissóz júrgizip, iri reseılik kompanıalardyń basshylarymen kezdesedi.
Qazaqstan 2022 jyly INNOPROM halyqaralyq ónerkásip kórmesiniń seriktes eli bolady.
"INNOPROM" kórmesiniń uıymdastyrý komıtetiniń basshysy, Reseıdiń ındýstrıa jáne saýda mınıstri Denıs Mantýrovtyń aıtýynsha, ótken jyly elder arasyndaǵy taýar aınalymy 30 paıyzǵa artqan.
«Qazir Qazaqstanda jumys isteıtin reseılik ınvestorlar quny 36 mlrd dollarǵa jýyqtaıtyn jobalarǵa qatysýda. Sonymen qatar mashına jasaý, atom energetıkasy, hımıa, metalýrgıa, taý-ken ónerkásibi jáne aqparattyq tehnologıalar sıaqty salalardaǵy yntymaqtastyqtyń bolashaǵy zor ekenin atap ótý kerek. "INNOPROM – 2022" saýda-ekonomıkalyq qarym-qatynasymyzdyń damýy men nyǵaıýyna oń yqpal etedi», - dedi mınıstr Denıs Mantýrov.
Aıta keteıik, 4-7 shildede «Ekaterınbýrg-EKSPO» kórme ortalyǵynda 12-shi INNOPROM kórmesi ótedi.