XV–XVI ǵasyrlar Qasym hannyń arqasynda qazaqtyń memlekettigi men uly dalanyń órkendegen kezeńi sanalady.
Qasym han týraly kınotýyndy 12 mamyrdan bastap elimizdiń barlyq kınoteatrlarynan kórsetiledi. «Qazaqfılm» kınokompanıasy týyndynyń posterin jarıalady.
«Tusaýkeser! Aqan Sataevtyń «Uly dala tańy» atty jańa fılminiń resmı posteri. Elimizdiń tarıhyndaǵy eleýli tulǵalardyń biri – Qasym han týraly kólemdi týyndy. Aty ańyzǵa aınalǵan bıleýshi XV-XVI ǵasyrlar toǵysyndaǵy qazaq halqynyń azattyq pen táýelsizdik úshin kúresiniń sımvoldarynyń birine aınaldy. Dál osy ýaqyt Qasym hannyń arqasynda qazaqtyń memlekettigi men uly dalanyń órkendegen kezeńi sanalady», – dep jazdy kompanıa.
«Qazaqfılm» tarıhı týyndynyń resmı treılerin jaqynda usynatynyn habarlady. Qasym hannyń obrazyn belgili akter Berik Aıtjanov somdaǵan.