Qazaqstanda resmı málimet boıynsha zergerlik buıymdardyń quny 23,9%-ǵa qymbattady, dep habarlaıdy Almaty-akshamy.kz.
Bul aldyńǵy 3 jyldaǵy kórsetkishpen teń. Iaǵnı, 2019-2021 jyldary jalpy ósim 25%-dy qurady. Buǵan sebep - álemdik naryqtaǵy altyn baǵasynyń ósýi. Bir gram baǵaly metaldyń resmı quny aqpan aıynyń ortasynda 25 myń teńge shamasynda bolsa, 10 naýryzǵa qaraı 33 myń teńgeden asyp ketken.
Baǵaǵa yqpal etken ekinshisi sebep – suranystyń artýy. Al bul, álbette, 8 naýryz merekesimen baılanysty. Naýryz aıynyń basynda teńge baǵamy quldyrady, dollar satyp alý múmkin emes edi. Mundaı jaǵdaılarda zergerlik buıymdardy ınvestısıalaý quraly retinde qarastyrýǵa bolady.
Bir eskeretin jaıt, shetel valútasy men altyn quımalardy Qazaqstannan tys jerlerge shyǵarýǵa shekteýler qoıylǵan. Bul shekteýler zergerlik buıymdar men saǵattarǵa qatysty emes.