Bıyl «Uly dala joryǵy» ekinshi ret ótedi. Esterińizge sala keteıin, ótken jyly Mańǵystaý oblysynyń qurama komandasy báıge marafonynyń jeńimpazy atansa, Jetisý oblysynyń sportshylary ekinshi oryndy, Túrkistan oblysynyń quramasy úshinshi oryndy ıelendi. Joba YouTube - te 5 mıllıonnan astam jáne TikTok-ta 30 mıllıonnan astam qaralym jınaǵan.
Qazaqstan jyldyń eń aýqymdy sporttyq is - sharalarynyń biri - «Uly dala joryǵy» respýblıkalyq marafonyna daıyndalýda. 5 qyrkúıekte elordalyq «Qazanat» ıpodromynda QR Mádenıet jáne sport mınıstrligi men Amanat partıasynyń qoldaýymen uıymdastyrylǵan jarystyń saltanatty ashylýy ótedi, dep habarlaıdy Almaty-akshamy.kz.
Oǵan elimizdiń ártúrli óńirinen jınalǵan 20 komandanyń atynan 100 shabandoz qatysady.
Marafon 6 qyrkúıekte Aqmola oblysynyń Qarajar aýylynda bastalyp, 14 kúnge sozylady, ol úshin qatysýshylar elimizdiń 5 óńiri — Aqmola oblysy, Qaraǵandy oblysy, Ulytaý oblysy, Qyzylorda jáne Túrkistan oblystary arqyly 1 300 shaqyrym qashyqtyqty júrip ótedi. Túrkistan qalasynda marafon aıaqtalady. Jalpy, shabandozdar 12 aýdan men 52 eldi mekendi aralaıdy. Marafonǵa qatysý úshin halyqaralyq sýdıalar men joǵary bilikti veterınarlar shaqyrylǵan.
«Uly dala joryǵy» marafonynyń maqsaty qarapaıym. Bul biregeı ulttyq brend qurý, dástúrli at sportyn, atap aıtqanda, qazaqtyń «qazanat» jylqy tuqymyn tanymal etý. Mundaı jarystar BAÁ, AQSH, Ispanıa, Fransıa, Ulybrıtanıa, Germanıa, Kanada jáne Avstralıa sıaqty elderde Halyqaralyq at sporty federasıasynyń (FEI) qamqorlyǵymen únemi ótkizilip turady. Sondyqtan bizdiń jobamyzdyń halyqaralyq deńgeıde aýqymdy oqıǵaǵa aınalýǵa barlyq múmkindigi bar.
Esterińizge sala keteıin, kelesi jyly Qazaqstan V Dúnıejúzilik kóshpendiler oıyndaryn ótkizedi. Memleket basshysy ony joǵary deńgeıde uıymdastyrýdy tapsyrdy. Aldaǵy jarys, sonyń ishinde, elimizdiń ınfraqurylymynyń kóshpendiler oıyndaryna da, basqa da bolashaq jarystarǵa daıyndyǵyn tekserýge tamasha múmkindik bolmaq.
Ulttyq at sporty- mádenıetimiz ben bolmysymyzdyń mańyzdy bóligi. Mınıstrlik ulttyq qundylyqtardy damytý jáne ilgeriletý boıynsha belsendi jumys itep jatyr. Olarmen aınalysatyn adamdardyń sany artyp keledi. Elorda qonaqtary men turǵyndaryn «Uly dala joryǵy» ashylý saltanatyna qatysýǵa jáne oǵan qatysýshylardy qoldaýǵa shaqyramyn.
