Ulybrıtanıadaǵy Kembrıdj ýnıversıtetiniń Fısýılám murajaıynda Qazaqstan Táýelsizdiginiń 30 jyldyǵy qurmetine uıymdastyrylǵan kórme ashyldy.
«Uly dala altyny» kórmesine bizdiń dáýirimizge deıingi VIII-III ǵasyrlarda Ortalyq Azıada, atap aıtqanda, Qazaqstannyń Altaı taý júıesinde ústemdik etken skıf órkenıetiniń jádigerleri, saq qorǵandarynan tabylǵan qundy dúnıeler qoıyldy, dep habarlaıdy Almaty-akshamy.kz Qazaqtv.com saıtyna silteme jasap.
Sonymen qatar kórme qonaqtaryna Berel, Shilikti jáne Eleke Sazy sıaqty úsh túrli qorymnan shyqqan júzge jýyq arheologıalyq oljalar usynylǵan. Al olardyń ishindegi eń baǵaly eksponattardyń biri - kıimderi 15 000 altyn zattan turatyn Altyn adam da bar.
Búginde otandyq arheologtar qorǵandardan tabylǵan jádigerlerdi brıtanıalyq áriptesterimen birge zerttep keledi. Kembrıdj ýnıversıteti janyndaǵy Makdonald arheologıalyq zertteý ınstıtýtynyń ǵalymdary jańa tehnologıalardy qoldana otyryp, biregeı artefaktilerdiń qupıalaryn ashyp jatyr.
«Biz mıkroanalızder jasaımyz. Zamanaýı mıkroskoptyń kómegimen ejelgi saqtardyń qandaı tehnologıalar paıdalanǵanyn jáne qolóner buıymdaryn qalaı jasaǵanyn zertteı alamyz», - dedi kórme kýratory Rebekka Roberts.
Aıta keteıik, osyndaı biregeı altyn artefaktiler eýropalyq aýdıtorıaǵa alǵash ret usynylyp otyr. Olardy brıtanıalyq BAQ «Halyqaralyq arheologıalyq sensasıa» dep atady. Ekspozısıany keler jyldyń 30 qańtaryna deıin tamashalaýǵa bolady.