Ár jyldyń ózindik ereksheligi, jańalyǵy, ózgeristeri bolady.
Aldaǵy 2024 jylǵa arnap nýmerologıalyq boljamdy Almaty-akshamy.kz Ernur.kz saıtyna silteme jasaı otyryp nazarlaryńyzǵa usynady.
Biraq ol úshin aldymen jyldyń ózińizge arnalǵan jeke sanyn bilý kerek. Jyldyń jeke sanyn bilý úshin qarapaıym esep jasaımyz. Ol úshin aldymen jyl sanyn shyǵaryp alamyz: 2+0+2+4=8
Ekinshi kezekte týǵan kún, aı, jylyńyzdyń sandaryn jeke-jeke qosyp alasyz. Eki tańbaly mán shyqsa, taǵy da bir-birine qosyp, bir tańbaly mánin alý kerek. Máselen, 1990 jyldyń 29 jeltoqsanynda dúnıege kelseńiz: 2+9=11, 1+1=2 1+2=3 1+9+9+0=19, 1+9=10, 1+0=1
Úshinshi kezekte osy úsh esepten shyqqan sandardy bir-birine qosamyz. Bul joly da eki tańbaly san shyqsa, qaıta bir-birine qosý arqyly bir tańbaly mán shyǵaramyz. 2+3+1=6
Sońǵy etapta osy shyqqan mándi birinshi eseptegi jyl sanymen qosý kerek. 11 jáne 22 sandary shyqqan jaǵdaıda ǵana sol kúıi qaldyramyz, basqa eki tańbaly sandar shyqsa, bir-birine qosý arqyly bir tańbaly san shyǵarýdy qaıtalaımyz. 8+6=14, 1+4=5
Nátıjesinde, osy mysaldaǵy týǵan kún ıesiniń 2024 jyldaǵy jyl sany – 5 bolyp tur. Týra osylaı óz esebińizdi jasap alsańyz, óz jeke sanyńyzǵa sáıkes mánmen tanysýǵa daıynsyz degen sóz.
1 – KÓSHBASSHYLYQ JYLY Osy jyly jańashyldyqtar ınısatory bolasyz. Ómirińizde kóp ózgerister men jaqsy jańalyqtar oryn alady. Ózińizdi damytýǵa, ómirińizdi sapaly ete túsýge úlken múmkindikter alasyz. Oıyńyzda júrgen barlyq bastamalarǵa batyl túrde kirisińiz. Keıbir bastaǵan isińiz uzaqqa sozylyp, nátıjesi kóp kúttirýi múmkin, alaıda, kóńil qýantarlyqtaı bolatyny anyq.
2 – SERİKTESTİK JYLY Bul jyl sizge «Jalǵyzdyń úni shyqpas» degendi eskertkisi keledi. Sáıkesinshe, qyzmette, kásipte seriktestikterdi, jeke ómirde adamdarmen jaqyn aralasýdy talap etedi. Sondyqtan, áriptestermen tatý, jańa tanystyqtarǵa ashyq, janashyrlaryńyzben birge bolyńyz. 2024 jylda basyńyzǵa joǵary órleý men tómen quldılaý birneshe ret túsetindikten, ish pystyrarlyqtaı bolmaıdy.
3 – DIPLOMATIA JYLY 2024 jyl – siz úshin qoǵammen qarym-qatynas, áleýmettik komýnıkasıa basty ról atqaratyn ýaqyt. Eki jyl buryn tanysyp qalǵan keıbir jandar qaıta aldyńyzdan shyǵady. Josparlaryńyzdy júzege asyrýǵa kóptegen múmkindikter beriledi. Jeke ómirińizde sheshilmeı júrgen máselelermen betpe-bet kelesiz, endi olardan eshqaıda qashqaqtaı almaısyz, birjaqty etýge tyrysyńyz. Talantyńyz ben basqa da qyrlaryńyzdy ashýǵa talpynyńyz, óıtkeni dál osy jyly shyǵarmashylyqta jetistikke jetýge múmkindigińiz kóbiek.
4 – QAJYRLY EŃBEK JYLY Ómirińizdiń barlyq salalaryna myqty irgetas qalaýǵa osy jyly múmkindik kóp. Sondyqtan, usaq-túıekke mán bermeı, aýqymdy máselelerdi qamtýǵa, úlken jobalardy qolǵa alýǵa tyrysyńyz. Siz atqaraýǵa tıis birneshe jumys bar, beldi býyp, jeńdi túrip kirisińiz. Osynyń bárimen qatar densaýlyǵyńyz jaıly da umytpaı, ózińizge qamqorlyq jasańyz. Durys tamaqtanyńyz, jattyǵý jasańyz jáne kóp demalyńyz.
5 – ÓZGERİSTER JYLY Osy jyly sizdiń ortańyz ózgerýi múmkin. Basqa úıge, tipti basqa eldimeken, ózge qalaǵa kóshýińiz yqtımal. Sońǵy birneshe jylda bastaǵan jobalaryńyzǵa kóz júgirtińiz. Eger olarda bári jaqsy bolmasa, qaı jerden qate ketkenińizdi izdeńiz, taýyp, túzeńiz. Daıyn júrińiz, kútpegen oqıǵalar da kóp bolady.
6 – JAÝAPKERSHİLİK JYLY İskerlik, romantıkalyq jáne otbasylyq qarym-qatynasta oń ózgerister oryn alady. Bir qaraǵanda eń jaman jaǵdaı bolyp kóringenniń ózi, aqyr sońynda siz úshin jaqsy bolatynyn umytpaǵaısyz. Ózińizdiń barlyq áreketterińizge, sózińizge jaýapkershilik arqalaýǵa daıyn bolyńyz. Ásirese, otbasy aldyndaǵy jaýapkershilikke muqıat bolyńyz. Keıin jaýap bere almaıtyndaı is-áreket, áńgimege barmańyz. Sebebi, báriniń esebi jyl sońyna deıin-aq suralady.
7 – ÓZİŃMEN TANYSÝ JYLY 2024 jyl – sońǵy alty jylda bolǵan oqıǵalardy eske túsiretin ýaqyt. Ózińiz ózgerte almaıtyn nárseler týraly kóp ýaıymdamaı, ózgerte alatyn tustardy qolǵa alatyn kezeń. Ońashada óz-ózińizben qalýǵa kóbirek múmkindik alyńyz. Sebebi, óz ishińizdegi rýhanı dúnıeńizdi izdeýge, tanysýǵa tıissiz. Jalǵyzdyqty sezinbesten jalǵyz qalýdyń qupıasyn tabýyńyz kerek.
8 – JETİSTİK JYLY 2024 jyl iskerlik jáne qarjylyq operasıalar jyly bolady. İskerlik qarym-qatynastarda tabysqa jetý múmkindigi mol bolsa da, úlken kólemde aqsha joǵaltýyńyz yqtımal ekenin este saqtańyz. Bıyl ónim jyly, sońǵy jeti jylda ne ekseń, sony oryp alasyń. Jyl boıy sergek bolyńyz, jaqsy múmkindikter keledi, jiberip almańyz. Bul kez kelgen nárseni, sonyń ishinde jyljymaıtyn múlikti satyp alýǵa jáne satýǵa jaqsy ýaqyt bolýy múmkin.
9 – PARYZDY ORYNDAÝ JYLY Osy jyly ómirińizde qajet emes kez kelgen nárseden, adamnan nemese jaǵdaıdan arylyp, jańa bastamalarǵa daıyn bolýyńyz kerek. Sebebi siz úshin yńǵaıly emes, paıdasyz jaǵdaılar men qarym-qatynastar kóbeıgen. Qarym-qatynastaǵy kez kelgen máselelerdi sheshý kerek, áıtpese odan ary ulǵaıyp ketedi. Keıinge qaldyrǵan jobalaryńyz bolsa, aıaqtaý mańyzdy.
11
2024 jyl aldyńǵydan múldem ózgeshe bolady. İskerlik máselelerdi sheshý úshin kóp ýaqytyńyzdy qurban etýge daıyn bolsańyz, durys paıda alý múmkindigińiz artady. Jeke qarym-qatynasta da ıkemdi bolýyńyz kerek. Qolymnan kelmeıdi-aý degen isterge táýekel etpeńiz, kúshińizdi saqtańyz. Qańtar - siz úshin ózińizdi kórsetý aıy. Aqpan – jyldyń qalǵan bóligine berik negiz qalaý ýaqyty. Naýryz ózgerister men tosyn syılar ákeledi. Sáýirde otbasylyq máseleler birinshi orynda turýy yqtımal. Mamyr jáne maýsym aılaryndaǵy shydamdylyq materıaldyq paıda ákeledi. Shilde men tamyz – ótpeli aılar, qyrkúıekte de birqalypty tynyshtyq. Al 2024 jyldyń sońǵy úsh aıy qarym-qatynasqa, ózgerister ornatýǵa umtylýdy, qajyrly jumysty qajet etedi.
22
Árıne, túrli saladaǵy jaýapkershilikterińizdi atqarýdy umytpaý kerek. Alaıda osy jyly ózińizge qamqorlyqty basty orynǵa qoıǵanyńyz durys. Jaqsy nıetti dostaryńyz ben otbasyńyzdyń aqyl-keńesterin tyńdańyz. Biraq eń mayzdysy – óz ishki daýysyńyzdy tyńdaýdy umytpańyz. 2024 jyl – siz úshin shabyttandyratyn jáne shyǵarmashylyq kezeń, armandaryńyz oryndalatyn ýaqyt. Qańtarda keıbir qıyndyqtar týýy múmkin, biraq aqpan aıyna qaraı mundaı jaǵdaıdyń basyńyzǵa nege kelgenin túsinesiz, ómirlik sabaq alasyz. Naýryz – otbasyna qamqorlyq aıy. Sáýirde jalǵyz qalýǵa jáne ómirdiń qupıalaryn zertteýge ýaqyt bólińiz. Mamyrda sizde qosymsha aqsha paıda bolady, sonymen qatar kútpegen shyǵyndar da oryn alady. Maýsym men shilde – burynǵy jumystardy aıaqtap, jańa bastamalardy qolǵa alatyn ýaqyt. Tamyz jáne qyrkúıek aılarynda barlyq nársege ashyq jáne qabyldaýshy bolsańyz, túsinik pen jańa shabyt keledi. 2024 jyldyń sońǵy úsh aıy iskerlik, utqyrlyq tanytýdy jáne qarym-qatynas máselelerin sheshýdi talap etedi.