Instagram-da qazaqstandyqtar qara pakettelgen shaıdyń qaýipti ekendigi týraly vıdeony taratýda, dep habarlaıdy Almaty-akshamy.kz.
Ol búırek jetkiliksizdigin týdyryp, kóz ishi qysymyn joǵarylatady jáne asqazan-ishek joldarynyń problemalaryna ákep soǵady eken.
Stopfake.kz saıty bul aqparatty joqqa shyǵardy.
Qara pakettelgen shaı búırek jetkiliksizdiginiń bolý qaýpin arttyrady degen pikirden bastaıyq. Mundaı málimdemelerge ǵylymı negiz joq. Buǵan deıin ǵalymdar qara shaıdy shamadan tys tutyný búırek tastarynyń paıda bolýyna ákeledi dep paıymdaǵan, biraq keıin zertteýler olardyń arasynda baılanys joq ekenin kórsetti. Búırek jetkiliksizdigi men qara shaı ishýdiń arasyndaǵy baılanysty dáleldeıtin zertteýler joq.
Qara shaı kóz ishi qysymyn joǵarylatyp, kórý qabiletine teris áser etedi degen gıpoteza da jalǵan. 2017 jyly jasy 40-tan asqan 1678 adamnyń shaı men kofeınmen jáne kofeıinsiz kofe ishkendigi týraly málimetter baǵalanǵan zertteý shyqty. Nátıjeler ystyq qara shaıdy kóp ishetin adamdar tobynda glaýkomanyń damý qaýpi basqa sýsyndar nemese muzdatylǵan shaı ishkenderge qaraǵanda tómen ekenin kórsetti. Keıin ǵylymı qaýymdastyq zertteý senimsiz, al qara ystyq shaıdyń glaýkomanyń damýyna áseri týraly qorytyndylar erte jasalǵan dep tapty. Degenmen, qara shaıdyń kórý qabiletine zıan keltiretinine naqty dálelder tabylmady.
Pakettelgen bolsyn, basqa bolsyn, qara shaıdyń quramynda kofeın men tanınder – ılik zattekter bolady. Olar aǵzada shamadan tys bolsa, ish ótip, júrek soǵýy jıileıdi, uıqysyzdyq paıda bolady, biraq bul úshin kúnine kem degende 950 mıllılıtr shaı ishý kerek, ıaǵnı shamamen tórt saptyaıaq.
Demek, qara shaıdyń zıany týraly aqparat negizsiz málimdemeler jıyntyǵy bolyp tabylady. Búırek jetkiliksizdiginiń damýynyń nemese kórý qabiletiniń nasharlaýy men qara shaı ishýdiń arasyndaǵy baılanysty dáleldeıtin ǵylymı zertteýler joq.
Kofeın men tanınder pakettelgen bolsyn, joǵary surypty japyraqty bolsyn, qara shaıdyń kez kelgen túrinde bolady. Bul zattardy shamadan tys paıdalanýdyń janama áserlerdi bolýy múmkin, biraq olardy damytý úshin kúnine keminde bir lıtr shaı ishý kerek.