Halyq – ulyq,
Tobyr – bylyq.
***
Tobyr kókjıekten árini kórmeıdi,
Biraq minbeni bermeıdi.
***
Halyqta min joq,
Tobyrdyń quramynda kim joq?!
***
Tobyr – quıyn,
Til tabysý qıyn.
***
Tobyr – dúrkiregen tabyn,
Arnasyn buzǵan aǵyn.
***
Tobyrda jol kórsetken kósem bolmaıdy,
Otty qaýzap-qaýzap qoıatyn kóseý bolady.
***
Otanyńnan qansha shaqyrym uzasań,
Sonsha shaqyrym rýhanı jaqyndaı túsesiń.
***
Týǵan jerdiń tabıǵaty men
óz tabıǵatyń – bir tabıǵat.
***
Otannyń serkesi – abyroıly,
Erkesi – baqytty.
***
Tóze bergen El tozyp tynady.
***
Elin satqan – ez,
Jerin satqan – júlik.
***
Qımaıtyn bir qudiret – Eliń,
Qınaıtyn bir qudiret – ólim.
***
Ultyn súımegen ul –
Rýhanı qul.
***
Ómir degenimiz – tusaý,
Ólim degenimiz – bárinen de bosaý.
***
Keıbir ómirden
Keıbir ólim qymbat.
***
İstegen jaqsylyǵyń
Ózińnen keıin de ómir súredi.
***
Er – eline,
El – jerine tartady.
***
Esirý – erlik emes,
Sheginý – jeńilý emes!
***
Eldi súıe bilý az,
El úshin kúıe bilý de kerek.
***
Namyssyz halyq – ynjyq,
Quryp bitedi júnjip.
***
Ár úıden sábıdiń úni shyqpasa,
Ulttan uly shyqpaıdy.
***
Jaryń qaıda bolsa – eski dertiń,
Eliń qaıda bolsa – esil-dertiń sonda.
***
Úıdiń irgesin azamat qalaıdy,
Kirpishin áıel qalaıdy.
***
Bolmasa ulttyń kósemi,
Halyqtyń sory bes eli.
***
Kishkene halyqtyń ulyna
Úlken júrek kerek.
***
Bir adamnyń degeninen shyqpaǵan halyq –
Aýzyn jumǵan balyq.
***
Halyq ádette ne jetpeıtinin biledi,
Biraq ne isteıtinin bile bermeıdi.
***
Zamandastarynan asqan adam bolǵan emes.
***
Dástúr degenimiz –
ádetke aınalǵan úlgili áreket.
***
Dástúr oılaýdy emes,
Moıyndaýdy kerek etedi.
***
Ókimetke kelgenshe opozısıa jaqsy,
Kelgennen keıin...
***
Opozısıa qalyńdyq sıaqty,
Onyń kim ekenin
erteń áıel bolǵannan keıin bilesiń.
***
Halyqty qorǵamasań qorǵama,
Biraq qorlama!
***
Halyq kóp,
Adam jalǵyz.
***
Tobyr bar jerde – top,
Jalǵyzdyq bar jerde – oı bar.
***
Kóńildi ortada – sharap,
Jalǵyzdyq bar jerde – sher men muń.
***
Tobyr eshteńe sheshpeıdi,
Biraq eldiń berekesin alady.
***
Otanyn satqan zulymda
Satylmaıtyn birdeńe bar dep oılaısyz ba?!
***
Ozýdy maqsat etken el
Shań jutyp artta júrmeıdi.
***
Ulttyń myqty bolýy
Ul-qyzdarynyń jappaı myqty bolýyna
baılanysty.
***