Shetel valútasyndaǵy depozıtterdiń kólemi 13,9 paıyzǵa ósti
Qazaqstanda depozıtterdiń somasy bir aıda 7,6 paıyzǵa ulǵaıdy. Bul týraly QR Ulttyq banki málim etti, dep habarlaıdy Almaty-akshamy.kz.
«Rezıdentterdiń depozıttik uıymdardaǵy depozıtteriniń kólemi bir aıda 7,6 paıyzǵa artyp (jyldyq mánde ósý 8,1% boldy), 2022 jylǵy maýsymnyń sońynda 27 162,9 mlrd teńge boldy. Zańdy tulǵalardyń depozıtteri bir aıda 13 801,2 mlrd teńgege deıin 8,2 paıyzǵa ulǵaıdy, jeke tulǵalardyń depozıtteri 13 361,7 mlrd teńgege deıin 7 paıyzǵa ósti», - delingen Ulttyq bank málimetinde.
Ulttyq valútadaǵy depozıtterdiń kólemi bir aıda 17 581,2 mlrd teńgege deıin 4,5 paıyzǵa artty. Shetel valútasyndaǵy depozıtterdiń kólemi 9 581,7 mlrd teńgege deıin 13,9 paıyzǵa ósti. Dollarlandyrý deńgeıi 2022 jylǵy maýsymnyń sońynda 35,3% (2021 jylǵy jeltoqsanda – 36%) boldy.
«Zańdy tulǵalardyń ulttyq valútadaǵy depozıtteri 2022 jylǵy maýsymda 8 715,6 mlrd teńgege deıin 3,2 paıyzǵa ósti, shetel valútasyndaǵy depozıtter 5 085,6 mlrd teńgege deıin 18,1 paıyzǵa artty. Jeke tulǵalardyń teńgedegi depozıtteri 8 865,6 mlrd teńgege deıin 5,8 paıyzǵa ulǵaıdy, al shetel valútasyndaǵy depozıtteri 4 496,1 mlrd teńgege deıin 9,5 paıyzǵa artty», - dep atalyp ótken UB aqparatynda.
Budan buryn habarlanǵandaı, bıyl maýsym aıynda Qazaqstanda AQSH dollaryn satyp alý qarqyny báseńdedi.