Ol 100 mıllıon teńgeni alaıaqtyq jolmen ıemdengeni úshin kináli dep tanyldy
Shymkent qalasynyń mamandandyrylǵan aýdanaralyq qylmystyq sotynyń úkimimen Qyzylorda oblysy boıynsha ekologıa departamenti basshysynyń orynbasary B.Tilegenov qaýipsizdigi ortasha túzeý mekemesinde merzimin óteýmen 10 jyl 6 aıǵa bas bostandyǵynan aıyryldy, dep habarlaıdy Almaty-akshamy.kz.
Sybaılas jemqorlyqqa qarsy is-qımyl agenttiginiń habarlaýynsha, B.Tilegenov JSHS basshylaryna tıesili 100 mıllıon teńgeni alaıaqtyq jolmen ıemdengeni úshin kináli dep tanyldy.
Sondaı-aq, Tilegenov JSHS basshylaryn prokýratýranyń, memlekettik kirister jáne ekonomıkalyq tergeý departamentteriniń laýazymdy tulǵalary arqyly máseleni sheshemin dep, JSHS-ǵa qatysty ekologıalyq zańnamany buzýshylyqtar týraly isti toqtatý jáne memlekettik kirister organdarynyń habarlamasyn keri qaıtarý úshin para berýge ıtermeledi.