22-30 shilde aralyǵynda Mılanda semserlesýden álem chempıonaty ótti.
155 elden kelgen myńnan astam sportshy Italıa astanasynda synǵa tústi, dep habarlaıdy Almaty-akshamy.kz Polisia.kz-ke silteme jasap.
Qazaqstan Respýblıkasy Ulttyq ulanynyń sport komandasynyń sport nusqaýshysy efreıtor Rýslan Qurbanov semserlesý boıynsha qola júldege ıe boldy. Efreıtor Qurbanov shırek fınalda saıys qojaıyny Valerıo Kýomodan 15:12 esebimen basym tústi. Ókinishke oraı, fınalǵa shyǵý úshin ótken jekpe-jekte qazaqstandyq sportshy Vengrıa eliniń ókili Tomash Kohtan 11:15 esebimen jeńilip qaldy. Soǵan qaramastan ol álem birinshiliginiń júldesin jeńip alǵan elimizdiń alǵashqy ókili atandy.
«Muny sózben aıtyp jetkize almaımyn. Buǵan áli de sene alar emespin. Men bul sportpen 20 jyldan beri shuǵyldanamyn. Aldyńǵy eki álem chempıonatynda medal ıelenýge bir qadam jetpeı qalyp edim. Mine, aqyry qola júlde ıelendim. Bul men úshin ǵana emes, búkil el úshin alǵashqy medal bolǵany meni eki ese qýanyshqa bóledi», – dedi áserimen bólisken ulandyq.