Almaty oblysyndaǵy jekemenshik balalar lagerine tekseris bastaldy.
Tegin lagerge barǵan oqýshylardyń ata-analary áleýmettik jelige shaǵymdaryn jarıalaǵan edi. Olar ortalyqta sanıtarlyq talap saqtalmaǵan, bólmeleri las. Tipti birneshe jasóspirim bir tósekke syǵylysyp uıyqtaýǵa májbúr dedi. Osydan soń bizdiń túsirý tobymyz atalǵan lagerge baryp, jaǵdaıdy kózben kórip qaıtty, dep habarlaıdy Almaty-akshasmy.kz.
Qonaev qalasynyń jaǵalaýynda ornalasqan demalys ornynda qazir Jetisý oblysynan kelgen oqýshylar demalýda. Oqý-aǵartý mınıstrligi ortalyqta balalardyń qaýipsizdigi qanshalyqty saqtalǵanyn teksermek. Buǵan deıin qalanyń bilim bólimi jekemenshik lagerge monıtorıń júrgizgen. Olar barlyq sanıtarlyq talaptar saqtalǵan, jumys isteýge ruqsaty bar degen qorytyndy jasaǵan. Oqıǵa ornynda qazir prokýratýra ókilderi kelip, tekserý júrgizip jatyr.
«Biz ortalyqta tazalyq jumystaryn kúndelikti júrgizip turamyz. 66 tósek oryn bar. Bólme ishin, kórpe-jastyqtaryn jıi jýamyz. Ǵımarattyń syrty jupyny bolǵanymen biz úshin sanıtarlyq talap asa mańyzdy. Álem jelide tarap ketken aqparat shyndyqqa janaspaıdy. Bizge bir bala úshin úkimet 3900 teńge tólep otyr. Bul qarjyǵa budan artyq eshnárse isteı almaımyz», - deıdi balalar lageriniń meńgerýshisi Nına Patasaova.