Astanada QR İİM Ulttyq ulanynyń jaýyngerleri qyzmet barysynda esirtki jasyrýshylardy qolǵa túsirdi, – dep habarlaıdy aqshamnews.kz.
Alǵashqy derek 18 qazanda saǵat 19:50 shamasynda boldy. Esil aýdanynda qoǵamdyq tártipti qadaǵalaý kezinde áskerı jasaq aǵashtyń túbinde bir zatty jasyryp jatqan azamatty baıqady.
Jasaq bastyǵy Saıyskeldi Saılaýuly jáne qatardaǵy jaýyngerler Temirlan Aǵankeldıev pen Elaman Ábúıir dereý min-jaıdy anyqtaýǵa kiristi.
– Kúdiktiniń aǵash arasyna belgisiz zattary bar býmalar jasyrǵany anyqtaldy. Biz ony ustaǵan soń, sol aýmaqqa qosymsha tekserý júrgizdik, – deıdi áskerı jasaq bastyǵy.
Ustalǵan er adam polısıanyń ýchaskelik pýnktine jetkizildi. Tergeý jedel toby kúdiktiniń jeke zattaryn tintý kezinde ózine tán ıisi bar zat salynǵan 64 býmany tárkiledi. Ekinshi oqıǵa Esil aýdany kósheleriniń birinde boldy.
Áskerı jasaq bastyǵy Erkebulan Parymbekov jáne patrúlshi jaýyngerler Beknur Aıashev pen Qurbanáli Naýryzbaı marıhýanasy bar baılam taýyp, is kesý nátıjesinde taǵy eki esirtki kýrerin ustady. Oqıǵa ornyna polısıa qyzmetkerleri shaqyryldy.