Almaty ákimdigi qala turǵyndaryn kezekti zańsyz TÚK-nen jyljymaıtyn múlik satyp alýdan saqtandyrady
Internet resýrstar monıtorıńiniń nátıjesi boıynsha Qala qurylysyn baqylaý basqarmasy Royal Time turǵyn úı kesheniniń jarnamasyn anyqtady, dep habarlaıdy almaty-akshamy.kz
Turǵyn úı kesheniniń saıty men áleýmettik jelidegi paraqshasynda kórsetilgendeı, premıým-klasty jańa TÚK Naýryzbaı aýdanyndaǵy Kenesary han kóshesi 145 mekenjaıynda ornalaspaq. Alaıda búginde jer ýchaskesinde qurylys júrgizilip jatqan joq jáne qurylysqa ruqsat beretin qujattary da joq.
Esterińizge sala keteıik, eger siz jyljymaıtyn múlikti zańsyz nysannan satyp alsańyz, qurylys salýshy tarapynan qarajatty erikti túrde qaıtarýdan bas tartqan jaǵdaıda, Almaty qalasy boıynsha Ekonomıkalyq tergeý departamentine jáne quqyq qorǵaý organdaryna júginińiz.
Jyljymaıtyn múlikti satyp almas buryn Almaty qalasynyń qala qurylysyn baqylaý basqarmasynyń +7 705 89 66 000 WhatsApp anyqtamalyq jelisi boıynsha TÚK qujattarynyń bar-joǵyna kóz jetkizýdi suraımyz.