Jumajan Jańbyrov, tehnıka ǵylymynyń doktory, profesor:
Keshe ótken Ulttyq quryltaıda Memleket basshysy ǵylymdy damytýǵa baǵyttalǵan mańyzdy bastamalardy kóterdi. Sonyń ishinde eki iri ǵylym qalashyǵyn qurý týraly sheshim – elimizdiń ǵylymı áleýetin jańa deńgeıge kóteretin asa ózekti joba.
Ǵylym qalashyqtary – ınovasıalar men jańa tehnologıalardyń ortalyǵy bolmaq. Munda jas zertteýshilerge, ınjenerlerge, ónertapqyshtarǵa qolaıly jaǵdaı jasalyp, olardyń ıdeıalaryn júzege asyrýǵa múmkindik beriledi. Bul qadam Qazaqstannyń ǵylymı-óndiristik bazasyn kúsheıtip, básekege qabiletti ekonomıka qurýǵa yqpal etedi.
Elimizdiń bolashaǵy – ǵylym men tehnologıada. Sondyqtan bul bastamany qoldap, onyń tabysty iske asýyna úles qosý – árbir ǵalym men mamannyń mindeti.