Býrabaıda «Ulttyq quryltaı» ótip jatyr. Keshe hám búgin. Túrli taqyryp, san túrli usynys, san qyrly baıandama aıtylýda. Qoǵam belsendileri, zańgerler, depýtattar jáne basqalary qatysýda. Prezıdent te jıynda sóz sóılep, baıandama jasady. Jalpy quryltaıdy ekige bólip qarastyrsa bolady dep oılaımyn. Birinshisi ıdeologıa, rýhanıat, mádenıetke qatysty taqyryptar aıtylady, ekinshisi ekonomıka, áleýmettik másele jáne basqa qamtylady. Prezıdent óz baıandamasyn sol rýhanı máseleden bastady da, áleýmettik-ekonomıkalyq máselelerge qatysty pikirin bildirdi, usynystaryn aıtty. Jalpy aldaǵy jyldarǵa baǵyttalǵan birshama bastamalardy iske asyrý jaıly aıtyldy.
Qazaqstannyń turaqty damýyn qamtamasyz etetin 4 strategıalyq negizgi baǵytqa keńinen toqtaldy. Olar: sıfrlandyrý men jasandy ıntellekt, energetıka, agroónerkásiptik keshen men adam kapıtaly.
Bul jaǵy túsinikti dep oılaımyn. SIFRLANDYRÝ MEN JASANDY INTELLEKT álemdi ózgertip jatyr ǵoı. Bizde sıfrlandyrý jaqsy deńgeıde damýda. Elektrondy úkimet te aldaǵy otyzdyqta. Endi bizge jasandy ıntellekt salasyna erekshe kóńil bólý kerek. Sebebi ekonomıkanyń damýyna tikeleı áserin tıgizedi. Qazir álemde aýyl sharýashylyǵynan bastap ǵaryshqa deıingi tehnologıany JI arqyly jasaý, basqarý josparlanyp jatyr. JI-di jan-jaqty meńgergen memleketter kóp máseleni jyldam sheshe alady. JI damyǵan elderdiń JİÓ de turaqty negizde ósedi degen boljam aıtylyp júr. Sol sebepti de memleket osy salaǵa basymdyq berý kerek. «Skaınet» dep úrkip júrgender de bar eken) Alaıda Skaınetten emes, kerisinshe osy salada kósh sońynda qalýdan seskengenimiz jón bolar.
ENERGETIKALYQ ÁLEÝETTİ arttyrý degen óte mańyzdy árıne. Energetıka degenimiz tek munaı men gaz óndirý, kómir jaǵý ǵana emes, jalpy túrli energıany damytý ǵoı. Jel, kún, ıadrolyq energetıka salasy degendeı. Jalpy ınvestorlar qandaı da bir elge kelgen sátte, «energıanyń tapshylyǵy joq pa» degen suraqty qoıady. Kelgen ınvestor energıanyń jetkilikti bolýyn qalaıtyny túsinikti. Salǵan qarjysy aqtalýyn qalaıdy, ol úshin zaýyt, ónerkásip kesheni jáne basqada turaqty energıa bolý qajet degendeı. Jalpy álemde energıanyń sońynan qýý kezeńi bastaldy deıdi mamandar. Halyq sany bir ǵasyrda 2 mlrdtan 8 mlrdqa jetti. Energıany tutynýshylar sany artýda. Bizde de halyqtyń sany aqyryndap artyp keledi. Demek energıany tutyný da arta túsýde. Bul bir ǵana faktor.
AGROÓNERKÁSİP salasyn damytý arqyly ekonomıkany ártaraptandyrýdy jyldamdatýǵa bolady. Qazir ishki naryqty birshama qamtyp otyrmyz-aý, alaıda geografıalyq múmkindigimizge qaraı syrtqy naryqqa da belsendi shyǵýdy qarastyrý qajet. Álbette, ol úshin bul salany qoldaýdy arttyrý jáne olqylyqtardy joıý mańyzdy.
Joǵaryda aıtylǵan úsheýdiń de sapaly iske asýy ADAM KAPITALYNA tikeleı baılanysty. Bilimdi, alǵyr, deni saý ári kásibı mamandardyń sanyn arttyrý arqyly ǵana oń nátıjege tez qol jetkizýge bolady.
Jalpy búgin jaqsy usynystar aıtyldy. Birshama sandar da keltirildi. Salynatyn mektep, soǵylatyn medısınalyq keshender, jóndeletin joldarǵa da toqtalyp ótti.
Mynaǵan toqtala salaıynshy. Teris dinı aǵymdar jaıly bir emes, eki márte aıtylyp qaldy.
«Ulttyq kıim kıý birtindep qalypty kóriniske aınalyp keledi. Bul – óte jaqsy úrdis. BET-JÚZDİ TUMSHALAITYN QARA KIİMNEN GÓRİ ÓZİMİZDİŃ ULTTYQ KIİMDERİMİZ ÁLDEQAIDA ARTYQ» dedi bir sózinde.
Ekinshi bir sózinde: «TERİS AǴYMDARǴA, QAZAQTYŃ BOLMYSYNA JAT IDEOLOGIALARǴA TOSQAÝYL QOIÝ QAJET EKENİNE ESH KÚMÁN JOQ. Elimizde din bostandyǵyna kepildik berilgen. Biraq júgensizdikke, tártipsizdikke jol berýge bolmaıdy. Dinniń asa mańyzdy mısıasy – ultty uıystyrý. Dinı uıymdardyń qyzmetin retteıtin qujattar osy talapqa saı bolýǵa tıis. Bul máseleni jan-jaqty qaraý kerek. Sonyń ishinde zańnamany jańa jaǵdaıǵa beıimdep otyrý óte mańyzdy» - deıdi prezıdent.
Jat aǵymdar boıynsha, teris aǵymdar boıynsha zańdy qatańdatý kerektigi aıtylyp kele jatqanyna biraz boldy ǵoı. Destrýktıvti dinı aǵymdardy qatań zańmen ǵana toqtatýǵa bolady. Quryltaıda kóterilgen máselelerdiń keıin zańǵa aınalyp jatqanyn kórdik. Týra osy teris dinı aǵymmen kúres týraly usynys zańǵa aınalar dep ÚMİTTENEMİN.