2025 jyly Ulttyq qordan úsh trıllıonnan astam teńge alynady
Qazaqstannyń ulttyq ekonomıka mınıstri Tımýr Baıbazarov 2025–2029 jyldarǵa arnalǵan eldiń áleýmettik-ekonomıkalyq damý boljamyn jáne 2025–2027 jyldarǵa arnalǵan "Qazaqstan Respýblıkasynyń Ulttyq qorynan kepildendirilgen transfert týraly" zań jobasyn tanystyrdy, dep habarlaıdy aqshamnews.kz
Boljam boıynsha, respýblıkalyq búdjettiń kiristeri 2025 jyly 15,6 trln teńgeni nemese JİÓ-niń 10,4%-yn quraıdy, 2026 jyly — 16,7 trln teńge (JİÓ-niń 9,9%-y), 2027 jyly — 18,2 trln teńge (JİÓ-niń 9,6%-y) deńgeıinde boljanýda.
«2025 jyly kólemi 3250 mlrd teńgeni quraıtyn maqsatty transfert áleýmettik mańyzy bar jáne strategıalyq mańyzdy ınfraqurylymdyq jobalardy qarjylandyrýǵa, sondaı-aq óńirlik ósimdi qoldaýǵa baǵyttalady», — dedi Baıbazarov.