Olımpıada chempıony Eldos Smetovke Almatydan páter syıǵa tartyldy
Qazaqstandyq dzúdoshy Eldos Smetovke Almaty qalasyndaǵy «Komfort Sıtı» turǵyn úı kesheninen páter syıǵa tartyldy. Bul syılyq Qazaqstannyń eń myqty sportshylarynyń biri, Parıjde ótken Olımpıada oıyndarynda elge alǵashqy altyn medaldy alyp kelgen Eldos Smetovtyń eren eńbegin tanýdyń jáne qoldaýdyń sımvoly retinde berildi.
«Biz óz sportshylarymyzben, ásirese Eldos Smetov sıaqty batyrlarmen maqtanamyz. Olar óz úlgisimen mıllıondaǵan qazaqstandyqtarǵa shabyt beredi. Dzúdoǵa qoldaý kórsetý — elimizdiń bolashaǵyna salynǵan ınvestısıa», — dep atap ótti SABA GROUP KZ kompanıasynyń ókili Saýrykov Almas.
«Komfort Sıtı» turǵyn úı kesheni — bul SABA GROUP KZ kompanıasynyń zamanaýı jobasy, onyń negizgi baǵyty turǵyndardyń ómir súrý sapasyn arttyrýǵa baǵyttalǵan. Kompanıa áleýmettik bastamalardy qoldaýdy jalǵastyryp, Qazaqstannyń damýyna óz úlesin qosýdy maqsat etedi.