Zań jobasy maquldandy.
Aldaǵy eki jylda kepildendirilgen transfert mólsherin 2 trln teńgege tómendetý kózdelgen, dep habarlaıdy Almaty-akshamy.kz
Ulttyq qordyń qarjysyn únemdeıtin zań jobasy maquldandy
Ulttyq ekonomıka mınıstri Álibek Qýantyrov «2024-2026 jyldarǵa arnalǵan kepildendirilgen transfert týraly zań jobasy boıynsha Májilistiń jalpy otyrysynda baıandama jasady.
«Búgin qaraý úshin «Qazaqstan Respýblıkasynyń Ulttyq qorynan 2024-2026 jyldarǵa arnalǵan kepildendirilgen transfert týraly» zań jobasy engiziledi. Zań jobasynyń erejeleri Ulttyq qordyń jınaq fýnksıasyn qamtamasyz etý jónindegi Búdjet kodeksiniń talaptaryn eskere otyryp aıqyndalǵan. Bul rette Úkimet kepildendirilgen transferttiń mólsherin ekinshi jyl búdjettik qaǵıdalardy qoldana otyryp anyqtaýda. Bul qaǵıdalar Ulttyq qor qarajatynyń saqtalýyn qamtamasyz etýge jáne onyń valútalyq aktıvterin 2030 jylǵa qaraı 100 mlrd AQSH dollaryna deıin jetkizýge yqpal etedi», - dedi ol.
Mınıstr ataǵandaı, zań jobasynda munaıdyń kesimdi baǵasy 2024 jyly barreline 43,4 AQSH dollary, 2025-2026 jyldary barreline 40,2-41,8 AQSH dollary deńgeıinde belgilengen.
«Osyny eskere otyryp, Ulttyq qordan kepildendirilgen transferttiń mólsheri 2023 jyly 2,2 trln teńgeden 2024-2026 jyldary jyl saıyn 2 trln teńgege deıin tómendeýmen aıqyndaldy. Josparly kezeńde Ulttyq qordyń valútalyq aktıvteri 2024 jyly 68 mlrd AQSH dollaryna deıin qalpyna keltirilip, odan ári 2025-2026 jyldary 80,7 – 93,3 mlrd AQSH dollaryna deıin ósedi dep boljanady. Jalpy Ulttyq qordy orta jáne uzaq merzimdi perspektıvada qalyptastyrý jáne paıdalaný saıasaty Ulttyq qordyń qarajatyn bolashaq urpaq úshin saqtaýǵa baǵyttalǵan», - dedi ol.