Qazaqstandaǵy 18 jasqa tolmaǵan ár balaǵa kelesi jyldan bastap Ulttyq qordan qarajat bólinip, arnaıy shotta dollar túrinde saqtalatyn bolady.
Ony esepshottan sheship alý tek kámelettik jasqa tolǵan soń múmkin bolmaq, dep habarlaıdy Almaty-akshamy.kz
«Ulttyq bank basqarý organy retinde tıimdilikti arttyrý baǵytynda tıisti jumystardy júzege asyrýda. Bul qarajat jaı jatpaıdy. Kelesi jyldan bastap esepteletin barlyq qarajat ınvestısıalanady. Sondaı-aq olarǵa ınvestısıalyq kiris túsip, olar da dollarmen saqtalyp otyrady. Barlyq qarajat Ulttyq qorda saqtalyp, bala 18 jasqa tolǵan soń jeke esepshotyna aýdarylady. Al bala kámelet jasqa tolǵanǵa deıin bul aqsha dollar túrinde Ulttyq qorda saqtalatyn bolady», - dep QR Qarjy vıse-mınıstri Dáýren Temirbekov Ortalyq komýnıkasıalar qyzmetinde ótken baspasóz máslıhaty barysynda.
Biryńǵaı jınaqtaýshy zeınetaqy qorynyń basqarma tóraǵasy Janat Qurmanov «Ulttyq qor – balalarǵa» jobasy boıynsha qazirgi ýaqytta «Qazposhta», «Otbasy bankimen» qatar ekinshi deńgeıli bankterdiń de qyzyǵýshylyq tanytyp otyrǵandaryn atap ótti.