Shvesıanyń ulttyq densaýlyq saqtaý jáne ál-aýqat keńesiniń bas dırektory Olıvıa Vızel osylaı dep málimdedi.
Onyń aıtýynsha, Shvesıada medısınalyq sanıtarlyq alǵashqy kómekti qarjylandyrý kólemi bar bolǵany 20 paıyzdy quraıdy, dep habarlaıdy Almaty-akshamy.kz 24.kz-ke silteme jasap.
Bul tusta Qazaqstannan tájirıbe alýdy kózdep otyrmyz, deıdi. Búgin Astanada dúnıejúzilik densaýlyq saqtaý uıymy Eýropalyq óńirlik komıtetiniń 73-shi otyrysy kezekti jıynyn ótkizip jatyr. Sala sarapshylary densaýlyq saqtaý júıesiniń negizgi máselelerin talqylady. Dárigerlerdiń quqyǵy qorǵaý, biliktiligin arttyrý, salaǵa sıfrlyq tehnologıalardy engizý syndy máselelerge qatysty óz tájirıbelerimen bólisti. Aıta ketý kererligi, Densaýlyq saqtaý mınıstrligi men DDU Eýropalyq búrosy 2024-2025 jyldarǵa arnalǵan eki jyldyq yntymaqtastyqty damytýǵa kelisti. Eýropalyq búro Qazaqstannyń densaýlyq saqtaý salasyn damytýǵa 1,8 mln dollar bólmek. Bul qarajat medısına qyzmetkerleriniń áleýetin arttyrý, ana men bala, jańa týǵan náresteler men jasóspirimderdiń densaýlyǵyn saqtaýǵa, onkologıalyq jáne basqa da juqpaly emes aýrýlarmen kúreske baǵyttalmaq.
«Meni tań qaldyrǵany Medısınalyq sanıtarlyq alǵashqy kómek baǵyty boıynsha Qazaqstan kóp elden ilgeri tur. Alǵashqy sanıtarlyq kómek turǵyndarǵa qoljetimdi bolý úshin eń áýeli bilikti kadrlar jasaqtaý mańyzdy. Aýrý-syrqaýdyń belgilerin bastapqy kezeńinde anyqtaý jáne tosyn syn-qaterlerge der kezinde nazar aýdarý úshin áleýetti arttyra berý qajet. Máselen biz bul salany damytýǵa endi kóńil bólip jatyrmyz. Qazaqstannan úırenetin nárse kóp eken»,- deıdi Shvesıa ulttyq densaýlyq saqtaý jáne ál-aýqat keńesiniń bas dırektory Olıvıa Vızel.