Elorda turǵyndaryna «Ulttyq qor-balalarǵa» jobasyna qatysý talaptary túsindirilip jatyr.
Atalǵan jobaǵa qatysý úshin ata-analar qandaı qujat jınaýy kerek degen suraqqa Qarjy vıse-mınıstri Dáýren Temirbekov jaýap berdi jáne ata-analarǵa eshqandaı qujat jınaýdyń qajeti joq ekenin aıtty, dep habarlaıdy Almaty-akshamy.kz
«Barlyq bala qatysady. Eshqaıda barýdyń qajeti joq, tutas proses avtomattandyrylǵan. Biryńǵaı jınaqtaýshy qor Ádilet mınıstrligimen birlesip, tıisti ıntegrasıalyq jumys júrgizedi. 18 jasqa deıin qarajat Ulttyq qorda saqtalady. 18 jasqa tolǵannan keıin ǵana bul soma shottarǵa aýdarylady. Sodan keıin bul qarajatty birneshe maqsatta paıdalanýǵa bolady», - dedi Dáýren Temirbekov brıfıńte.
Sondaı-aq «BJZQ» AQ Basqarýshy dırektory Murat Sháripov qarajatty tóleý dollarmen júrgiziletinin aıtty. Bazada balanyń derekteri bar, sondyqtan BJZQ derekterdiń sáıkestigin júrgizedi jáne somany esepteıdi.