2023 jyldyń 27 maýsym kúni QR Ulttyq mýzeıinde Qazaqstandaǵy Buqaralyq aqparat quraldary qyzmetkerleriniń kúnine oraı «Qazaq jýrnalısıkasy: ótkeni men búgini» atty kórmeniń saltanatty ashylý rásimi ótti.
Bul týraly Almaty-akshamy.kz habarlaıdy Ulttyq mýzeıdiń baspasóz qyzmetine silteme jasap.
Atalmysh sharany QR Aqparat jáne qoǵamdyq damý mınıstrligi men QR Mádenıet jáne sport mınıstrligi birlese uıymdastyrdy.
Kórmege qazaq baspasóz basylymdarynyń, radıosynyń, televızıasynyń tarıhynan syr shertetin eksponattar qoıyldy.
«Biz osy salaǵa jaýapty mınıstrlik retinde jýrnalıserge tartý jasaýdy oılaǵan edik. Endi olardyń ishinde, árıne, birneshe josparymyz bar. Búgin solardyń alǵashqysy retinde Mádenıet mınıstrliginiń de, osy Ulttyq mýzeıdiń de qoldaýymen arnaıy baspasóz kórmesin ashýdy jón kórdik. Osyǵan qolǵanat jasaǵan, kómek kórsetken bizdiń áriptesterimizdiń barshasyna shynaıy rızashylyq bildiremin»,- dedi QR Aqparat jáne qoǵamdyq damý mınıstri Darhan Qydyráli.
Sonymen qatar Darhan Qýandyquly «Qazaq» gazetiniń alǵashqy sany 2 aqpan kúni jaryq kórýine oraı osy kúndi Qazaq ulttyq baspasóziniń kúni dep jarıalaý týraly usynys bolǵanyn jáne bul usynystyń qoldaý tapqanyn habarlady.
«Meniń oıymsha adamǵa kóńil-kúı syılaıtyn kásipterdiń ishinde eki kásip bar, onyń biri – jýrnalısıka, ekinshisi – mádenıet, sebebi adam balasy jaqsy jańalyq estise, jaqsy habar estise qýanady, kóńili marqaıady jáne de ádemi áýen tyńdasa, ádemi, mynandaı bizdiń óner adamdarynyń qolynan shyqqan kartınalardy kórse kóńilderi kóteriledi, sondyqtan biz tańdaǵan mamandyqtardyń adam balasyna paıdasy zor dep esepteımin»,- dedi QR Mádenıet jáne sport vıse-mınıstri Nurqısa Dáýeshov óziniń quttyqtaý sózinde.
Kórmeniń ashylýyna qazaq jýrnalısıkasynyń ardagerleri Saýytbek Abdrahmanov pen Álibek Asqarov qatysyp, BAQ qyzmetkerlerine ózderiniń júrekjardy aq tilekterin jetkizdi.
Kórme 16 shildege deıin jalǵasady.