Mınıstr bul máseleni óz baqylaýyna alady.
QR Mádenıet jáne sport mınıstri Dáýren Abaev mádenıet salasyndaǵy qyzmetkerlerdiń áleýmettik qamtylýyn jaqsartýǵa ýáde berdi, dep habarlaıdy Almaty-akshamy.kz QazAqparatqa silteme jasap.
«Árıne, saladaǵy eń ózekti máselelerdiń biri – mádenıet uıymdary qyzmetkerleriniń áleýmettik paketi. «Ulttyq» mártebesi bar mádenıet uıymdary qyzmetkerleriniń laýazymdyq jalaqylaryna 1,75 koefısıenti túrinde qosymsha aqylar men ústemeaqylar ázirleý qajet», - dedi Dáýren Abaev vedomstvonyń keńeıtilgen alqa otyrysynda.
Mınıstrdiń aıtýynsha, shyǵarmashylyq joǵary oqý oryndarynyń profesor-oqytýshylar quramy men konsertmeısterleriniń jalaqy mólsherine de nazar aýdarý qajet.
«Bul máseleni men óz baqylaýyma alamyn. Osy kúnderi men kezdestirgen kóptegen oqytýshylar, tipti eń qıyn 90-shy jyldary da óz mamandyqtaryn tastamaǵan. Solardyń arqasynda mádenıet pen ónerde urpaqtardyń arasy alshaqtamady», - dep atap ótti vedomstvo basshysy.