Bul – Ulttyq kitap palatasynyń dırektory Ádil Qoıtanovtyń sózi.
Onyń aıtýynsha, máseleniń sebebi naryqtaǵy kitap satý jáne kitap satyp alý mádenıetine kelip tireledi, dep habarlaıdy Almaty-akshamy.kz
Zamanaýı kitap dúkenderinde qazaqtildi avtorlardy qoıyp, Qazaqstanda shyǵarylǵan kitaptardyń úlesi de tym az.
«Memlekettik baǵdarlamalarmen shyǵatyn kitaptar oblys, aýdan ortalyqtaryndaǵy kitaphanalarǵa jetkizilip jatyr. Biraq dúkenderge jetpeıdi. Sebebi baspalardyń baǵdarlama boıynsha oryndalǵan tapsyrystyń ústine artyq tıraj shyǵaryp, ony kitap dúkenderine ótkizetin qulqylary joq. Sondyqtan biz barlyq baspalarmen aqyldasyp, osy máselelerdi sheshý joldaryn qarastyryp jatyrmyz», - dedi ol Mádenıet jáne sport mınıstrliginiń keńeıtilgen alqa májilisinde.
Onyń aıtýynsha, máseleniń sebebi naryqtaǵy kitap satý jáne kitap satyp alý mádenıetine kelip tireledi.
«Respýblıka terıtorıasynda jumysy júıelengen dúkenderdiń sórelerinde qazaqstandyq avtorlardyń, onyń ishinde qazaq ádebıetiniń belgili aqyn-jazýshylarynyń eńbekteri sırek kezdesedi. Al «Meloman» jelisiniń basshylarynyń aıtýynsha, ondaǵy dúkenderde elimizde shyqqan kitaptardyń úlesi on-aq paıyz», - dedi Qoıtanov.