Ulttyq derektaný mektebiniń negizin qalaǵan, belgili ǵalym Qambarbek Atabaevtyń bıyl týǵanyna – 75 jyl.
Osyǵan oraı Almatyda tarıhshyny eske alýǵa arnalǵan halyqaralyq ǵylymı-tájirıbelik konferensıa ótti, dep habarlaıdy Almaty-akshamy.kz.
Qambarbek Mahambetuly derektanýdyń teorıalyq jáne ádisnamalyq negizderin tereń meńgerip, Fransıa, Germanıa, Avstrıa, Ispanıa, Reseı, Ýkraına elderiniń damý baǵyttaryn zerttedi. Sharaǵa qatysýshylar ǵalymnyń ǵylymı eńbekterin keńinen nasıhattap, arheografıa máselelerin otandyq jáne sheteldik ǵalymdar arasynda talqylady. Tarıhshynyń bastamasymen «Muraǵattaný, qujattaný jáne qujattamamen qamtamasyz etý» mamandyǵy ashylyp, tuńǵysh Respýblıkalyq arheografıa jáne derektaný ortalyǵy uıymdastyryldy.
"Kafedra ashtyryp, sondaı-aq ulttyq deregimizdiń tarıhty zertteýdegi mańyzyna basa kóńil bóle otyryp, sony dáripteı otyryp, ǵylymı eńbekter jazǵan. Jáne kóptegen shákirtter daıarlaǵan kórnekti ǵalym edi", - dedi tarıh ǵylymdarynyń doktory Turǵanjan Tólebaev.