Búgin ótinimdi qabyldaý bastaldy.
Qazaqstan Ulttyq Banki zertteý jumystaryna granttar usyný úshin izdenýshiler arasynda konkýrstyq irikteý júrgizedi, dep habarlaıdy Almaty-akshamy.kz Elorda.info saıtyna silteme jasap.
Zertteý granttarynan úmitti izdenýshilerdi konkýrstyq irikteý eki taqyryp boıynsha ótedi:
Týyndy qarjy quraldarynyń naryǵy: kedergiler men damytý boıynsha sharalar;
Kepildi kredıtorlardyń quqyqtary: Qazaqstan praktıkasy men halyqaralyq tájirıbe.
Konkýrstyq irikteýge zańdy tulǵalardan:
- joǵary jáne joǵary oqý ornynan keıingi bilim berý baǵdarlamalaryn iske asyrýǵa, zertteý qyzmetine, ǵylymı qyzmetke nemese saýalnamalar júrgizý, derekterdi ıntegrasıalaý arqyly málimet jınaý, saqtaý jáne (nemese) óńdeý isine baılanysty maqsattarǵa, mindetter men fýnksıalarǵa sáıkes qyzmetti júzege asyratyn izdenýshiler;
- taratylý aldynda turǵan nemese bankrottyq proseste joq zańdy tulǵalar (budan ári – izdenýshiler) qatysa alady.
Konkýrstyq qujattamada habarlandyrýdyń tolyq mátini, onyń ishinde zertteý taqyryptarynyń tizimi, qoıylatyn talaptar, izdenýshilerdi irikteýdegi talaptar, Ulttyq Bank bólimsheleriniń jaýapty adamdarynyń baılanys derekteri berilgen.
İzdenýshiniń birinshi basshysynyń nemese izdenýshi ókiliniń senimhaty negizinde ýákilettik berilgen adamnyń elektrondyq sıfrlyq qoltańbasymen rastalǵan ótinimder elektrondyq úlgide Ulttyq Bank Portaly arqyly beriledi.
Ótinim qabyldana bastaıtyn kún – 2022 jylǵy 22 qazan.
Ótinim usynýdyń sońǵy merzimi – 2022 jylǵy 5 jeltoqsan.
Grant berý týraly sheshimdi Grant usynýshy komısıa qabyldaıdy, onyń quramyna Ulttyq Bank pen basqa da uıymdardyń ókilderi kiredi. İrikteý jumystarynyń obektıvtiligin qamtamasyz etý úshin ótinimder táýelsiz sholýshylardyń qorytyndylaryna saı qarastyrylady. Ótinimder qaralyp bolǵannan keıin Ulttyq Bank zertteýdiń bir taqyrybyna birneshe grant berýge nemese keıbir taqyryptardy grantsyz qaldyrýǵa quqyly.