Satylymǵa «Barys jyly» koleksıalyq monetalary shyǵaryldy.
Koleksıalyq monetalarǵa qyzyǵýshylyq tanytatyn qazaqstandyqtar ony ınternet-dúken arqyly salyp ala alady, dep habarlaıdy Almaty-akshamy.kz.
«Qazaqstan Ulttyq Banki 2022 jyldyń 25 qańtarynan bastap ınternet-dúken jumysy qaıta jandanyp, «Shyǵys kúntizbesi» monetalar serıasynan «Barys jyly» koleksıalyq monetalarynyń satylymǵa shyǵatynyn habarlaıdy»,–delingen Ulttyq banktyń baspasóz qyzmetiniń habarlamasynda.
Ulttyq bank aqparatyna sáıkes, nomınaly 500 teńgelik kúmis shaqalar www.kazcoins.nationalbank.kz platformasynda QUB ınternet-dúkeni arqyly satylady. Monetalardyń oń jaǵynda aspan álemindegi juldyzdar kartasynda juldyzdar shoǵyrynyń mıfologıalyq sımvoly, moneta daıyndalǵan metaldy, onyń synamasy men massasyn bildiretin jazý beınelengen.
Monetany aınaldyra «QAZAQSTAN RESPÝBLIKASY» jáne «REPUBLIC OF KAZAKHSTAN» degen jazýlar, kúnniń stıldendirilgen beınesi jáne monetanyń nomınaly beınelengen. Monetalardyń teris betinde shyǵys kúntizbesi boıynsha 2022 jyldyń sımvoly – barys beınesi beınelenip, aınaldyra «2022», «SHYǴYS KÚNTİZBESİ», «VOSTOCHNYI KALENDAR» jáne «ORIENTAL CALENDAR» jazýy bar. İshki jaǵynda shyǵys kúntizbesiniń qalǵan on bir sımvoly ornalasqan.
