Fleıshman atyndaǵy medalmen marapattaldy.
Seldiń aldyn alý úshin eńbektenip kele jatqan qazaqstandyq mamandar arnaıy medalmen marapattaldy, dep habarlaıdy Almaty-akshamy.kz.
«Tájirıbeli mamandardyń eńbegi, seltanýshy ǵalymdardyń joǵary baǵalaýymen sel salasyndaǵy eren eńbegi úshin Fleıshman atyndaǵy medalmen marapattaldy», - delingen Ekologıa, geologıa jáne tabıǵı resýrstar mınıstrliginiń baspasóz qyzmetiniń habarlamasynda.
Mamandardyń aıtýynsha, osydan buryn "Qazgıdromettiń" Ǵylymı-zertteý ortalyǵynda, sel qaýpi bar kezeńde (mamyrdan qyrkúıekke deıin) keńes beretin, uzaq merzimdi boljamdar, nóser jáne jaýyn-shashyn saldarynan paıda bolatyn sel týraly daýyldy eskertýlerdi jasaıtyn, sel prosesterin zertteý jáne boljaý basqarmasy uıymdastyrylǵan.
«Seldiń jańa zertteý basqarmasynyń negizgi quramy - osy saladaǵy eńbek sińirgen jáne tájirıbeli mamandar. Solardyń biri - tehnıka ǵylymdarynyń doktory Roza Kaıýmovna Iafázova, geografıa ǵylymdarynyń doktory, profesor Borıs Sergeevıch Stepanov jáne gıdrologıalyq qyzmet ardageri, ǵylym kandıdaty Vsevolod Vıktorovıch Golýbsov ta osy syılyqqa ıe boldy»,- delingen habarlamada.
Ekologtar osyndaı mamandardan turatyn basqarma qurý, selderdi boljaý jónindegi jumysty joǵary kásibı deńgeıge kóteredi degen senimde. Al bul óz kezeginde halyqty sel týraly eskertýge barynsha dál múmkindik beredi.